ءال- بۇحاري يمام كەسەنەسىنىڭ تاريحى مەن سىرلارى: قازاقپارات فوتورەپورتاجى
مۇنداعى مەموريالدىق كەشەندە مەشىت، كەسەنە، مەدرەسە مەن كىتاپحانا بار. ونى جوبالاۋ مەن كىرپىشىن قالاۋعا تاشكەنت، سامارقاند، بۇقارا، شاحريسابز، حيۋا، قوقان جانە وزگە دە وزبەكستان قالالارىنىڭ ۇزدىك قۇرىلىسشىلارى مەن شەبەرلەرى قاتىسقان.
«قازاقپارات» ءتىلشىسى كەسەنەدەن ارنايى فوتورەپورتاج ازىرلەدى.
كەشەننىڭ كىرە بەرىسى ويىپ جاسالعان قورشاۋلارمەن بەزەندىرىلگەن، ونىڭ الدىندا ەكى جاعىندا بۇل قانداي عيمارات ەكەنى تۋرالى لاتىن جانە اراب قارىپتەرىمەن جازىلعان تاقتاشا تۇر. كەشەننىڭ سول جاعىنداعى بولىگىندە گالەرەيا مەن مەشىت ورنالاسقان. وندا 1500 ادام ناماز وقي الادى. «مەككە - بۇل مۇسىلمان الەمىنىڭ جۇرەگى، ال سامارقاند - ونىڭ باسى» دەيدى. مۇسىلماننىڭ وسى جەرگە كەلۋى شاعىن قاجىلىق جاسادى دەپ ەسەپتەلەدى ەكەن.
كەشەننىڭ وڭ جاعىندا كىتاپحانا مەن مۇراجاي ورنالاسقان. كونە شىنارلاردىڭ اينالاسىندا حاۋىزدار بار. ونىڭ ەمدىك قاسيەتى بار دەسەدى. مۇنداعى سۋ دەنەگە دە، جانعا دا شيپا بەرەدى دەپ ەسەپتەلەدى. كوپشىلىك وسى ءۇشىن الىس جەرلەردەن كەلەدى ەكەن.
كەشەننىڭ ورتالىعىندا يسمايل ءال- ءبۇحاريدىڭ قابىرى ورنالاسقان. ونىڭ بيىكتىگى 17 مەتر. شاتىرى ەكى كوك ءتۇستى ورنەكپەن بەزەندىرىلگەن كۇمبەز تۇرىندە جاسالعان. قابىرعالارى دا ءتۇرلى اسەم ورنەكتەرمەن بەزەندىرىلىپتى. كەسەنەنىڭ ورتا تۇسىندا اشىق- جاسىل ءتۇستى ونيكستەن جاسالعان قۇلپىتاس قويىلدى.
مەموريالدىق كەشەن وزبەكستان رەسپۋبليكاسىنىڭ پرەزيدەنتى ي. كارىموۆتىڭ باستاماسىمەن سالىنعان.
يمام ءال- بۇحاري IX عاسىردا بۇحارادا تۋىپ، ءومىر سۇرگەن. الايدا سامارقاند تۇبىندە قازا تاۋىپ، سول جەردە جەرلەنگەن. ول جەرلەنگەن جەردە مەشىت تۇرعىزىلىپ، شىنارلار وتىرعىزىلدى. ولاردىڭ جاسى 550 جىلدان اسادى. ءال- بۇحاري - يسلام الەمىندەگى ۇلى تۇلعالاردىڭ ءبىرى، "ءال- جامي اس- ساليح" حاديستەرىنىڭ اۆتورى.
