ەكى مەملەكەتتەن زەينەتاقى الىپ كەلگەن اجەيدىڭ قىلمىسى اشكەرەلەندى - اقمولا وبلىسى
1991 - جىلى ستەپنوگورسك قالاسىنىڭ تۇرعىنى نادەجدا بۋرتسيەۆا ميليتسياعا ءتولقۇجاتىنىڭ جوعالعانىن ايتىپ، ارىزدانعان. ونىڭ ورنىنا وعان «ق ر ازاماتى» دەگەن بەلگىسى بار ەكىنشىسىن بەرگەن. قۇجاتى جوعالعان دەگەن سىلتاۋمەن ايەل رەسەيدىڭ تومسك قالاسىنا تۋعان قىزىنا بارىپ تىركەۋگە تۇرىپ، رەسەي ازاماتتىعىن الىپ، جۇمىسقا ورنالاسقان.
1994 - جىلى ايەل قازاقستان مەن رەسەيدە ءوزىن زەينەتكەرلىككە تۇرعىزىپ الدى جانە ءتيىستى مەرزىمدە جەكە كۋالىگىن وزگەرتىپ وتىردى. كەتكەن كەزدە ول قازاقستاندىق زەينەتاقىسىن الۋ ءۇشىن تانىستارىنا سەنىمحات قالدىرىپ كەتتى. سونىمەن بىرگە وعان رەسەي زەينەتكەرلىك قورى دا وعان اقشا اۋدارىپ وتىرعان.
مۇمكىن بۇل جاعداي بايقاۋسىز قالار ەدى. الايدا ءساۋىر ايىندا رەسەي ازاماتى ستەپنوگورسكقا كەلىپ، پاتەر ءۇشىن تالاس باستالعان كەزدە ونىڭ شەتەلدىك ازامات ەكەنى انىقتالدى.
بەلگىلى بولعانداي، سوڭعى جىلدارى ەكى ازاماتتىقپەن 4 ميلليوننان استام اقشا العان. پوليسيا تەرگەۋدى باستادى. ستەپنوگورسك سوتى ونى اسا ءىرى كولەمدەگى الاياقتىعى ءۇشىن ايىپتى دەپ تاپتى. ونىڭ جاسى مەن جاساعان قىلمىسىنا وكىنىش بىلدىرگەنى ءۇشىن سوت 75 جاستاعى نادەجدا بۋرتسيەۆانى ءۇش جىلعا دەيىن شارتتى تۇردە باس بوستاندىعىنان ايىردى، دەپ جازادى express-k.kz.
