20:24, 03 - قازان 2014 | GMT +5
شىمكەنتتە سوعىس جىلدارى ءىز-ءتۇزسىز جوعالدى دەپ ەسەپتەلگەن ساربازدىڭ سۇيەگى جەرلەندى
شىمكەنت. قازاقپارات - شىمكەنتتە ۇلى وتان سوعىسى جىلدارى ءىز-ءتۇزسىز جوعالدى دەپ ەسەپتەلگەن سارباز قاسىمبەك نۇرسەيىتوۆتىڭ سۇيەگى جەرلەندى.
سۇيەگىمەن بىرگە تۋىستارىنا جاۋىنگەردىڭ اتى جازىلعان اليۋمينيدەن جاسالعان تاراق پەن ونىڭ ناگرادالارى تاپسىرىلدى.
«تۋىستارىنان ءىنىسى مەن نەمەرە ءىنىسى قالدى. ويلانباستان بىردەن سۇيەكتى اكەلۋگە باردىق»، - دەدى مارقۇمنىڭ تۋىسى تورەبەك ايتبايەۆ.
قاسىمبەك نۇرسەيىتوۆ سوعىس جىلدارى 8-گۆارديالىق اتقىشتار ديۆيزياسىنىڭ تانك ۆزۆودىنىڭ كومانديرى بولعان. ونىڭ سۇيەگى لاتۆيا رەسپۋبليكاسىنىڭ ريگا قالاسىنىڭ تۇبىندە جول سالىپ جاتقان كەزدە تابىلعان. ىزدەۋشىلەر جاساعى «1944 - جىل 11 - ماۋسىم، نۇرسەيىتوۆ قاسىم» دەگەن جازۋى بولعان تاراقتى تاپتى. وسى جازۋ بويىنشا «لەگەندا» توبى ونىڭ كىم ەكەنىن انىقتاعان.
جاۋىنگەردىڭ سۇيەگى تۋعان اۋىلى قاراقيادا جەرلەندى.
