قازاقستان مۇسىلماندارى ءدىني باسقارماسى جانىنان حالال-ستاندارت ءبولىمى اشىلادى
بۇل تۋرالى بۇگىن ق م د ب ءتوراعاسى، باس ءمۇفتي ەرجان قاجى مالعاجى ۇلى ايتتى.
«قازاقستان مۇسىلماندارى ءدىني باسقارماسىندا ەشقانداي قۇرىلىمدىق وزگەرىستەر بولمايدى. ءبىراق بولىمدەر قوسىلادى. ماسەلەن، حالال ستاندارت ءبولىمىن اشايىق دەپ جاتىرمىز.
ويتكەنى، بۇل قازىرگى تاڭداعى ماڭىزدى ماسەلەلەردىڭ ءبىرى. اس - ادامنىڭ ارقاۋى. سوندىقتان ءبىز قازاقستانداعى مۇسىلمانداردىڭ ازىقتانۋ ماسەلەسى حالال بولسا دەگەن نيەتپەن حالال ستاندارتىن اشقالى وتىرمىز. جالپى، ۇلكەن وزگەرىس بولمايدى»، - دەدى ەرجان قاجى.
باس ءمۇفتيدىڭ اتاپ وتۋىنشە، مۇسىلمان قاۋىمىنىڭ ۇلىق مەرەكەسى قۇربان ايت قارساڭىندا قازاقستان مۇسىلماندارى ءدىني باسقارماسى قازاقستاننىڭ باس قالاسى ەلورداعا كوشىپ كەلدى.
بيىل، قۇداي قالاسا، قۇربان ايتتى قازاقستان مۇسىلماندارى ءدىني باسقارماسى استانا حالقىمەن بىرگە تويلايتىن بولادى» ، - دەدى ول.
اۆتور: مارلان جيەمباي
