استانا اكىمى ەلوردانىڭ ەڭ ۇزدىك ۇستازىنا تەمىر تۇلپار مىنگىزدى
بۇگىن استاناداعى كونگرەسس- حولل سارايىندا ۇستازدار كۇنىنە وراي وتكەن سالتاناتتى شارادا قالا اكىمى يمانعالي تاسماعامبەتوۆ ۇزدىك ۇستازعا «شكودا» كولىگىنىڭ كىلتىن تابىس ەتتى.
«بۇل مەرەكەنى ەڭ جىلى مەرەكە دەپ اتاعاننان باسقا تەڭەۋ جوق. ويتكەنى ۇستاز دەگەن - قاشاننان ادام جانىنا جىلۋ بەرىپ، ساناسىنا ساۋلە تۇسىرەتىن تۇلعا. وسى ءساتتى پايدالانا وتىرىپ، مەن ەلوردامىزدىڭ بارلىق ۇستازدارىن شىن جۇرەكتەن قۇتتىقتاپ، ءوز ماماندىعان دەگەن ادالدىقتارى ءۇشىن شەكسىز ريزاشىلىعىمدى بىلدىرگىم كەلەدى. سىزدەرگە تەك زور دەنساۋلىق، مول باقىت، قاجىماس قايرات، جۇمىستارىڭىزعا تابىس تىلەيمىن. مەرەكەلەرىڭىزبەن!» - دەدى ي. تاسماعامبەتوۆ قۇتتىقتاۋ سوزىندە.
سونداي- اق، شارا بارىسىندا «ۇزدىك مەكتەپ» ، «ۇزدىك بالاباقشا» ، «ۇزدىك كوللەدج» ، «ۇزدىك ۇستازدار ۇجىمى» ، «ۇزدىك قوسىمشى ءبىلىم بەرۋ مەكەمەسى» ، «ۇزدىك مامانداندىرىلعان مەكەمە» جانە «ۇزدىك ءبىلىم بەرۋ سايتى» دەگەن اتىلىمدار بويىنشا دا باعالى سىيلىقتار مەن ماقتاۋ گراموتالارى تابىستالدى.
سالتاناتتى شارا كونتسەرتتىك باعدارلامامەن جالعاستى. ەلوردالىق ۇستازدار الدىندا ولاردىڭ شاكىرتتەرىمەن ەلىمىزگە تانىمال ەسترادا جۇلدىزدارى ونەر كورسەتتى. شاراعا بالاباقشا تاربيەشىلەرى، مەكتەپ مۇعالىمدەرى، ارنايى جانە تەحنيكالىق ءبىلىم بەرۋ مەكەمەلەرىنىڭ ۇستازدارى جانە ق ر پارلامەنتى دەپۋتاتتارى قاتىستى.
اۆتور: ءابۋ- اسقار مەكەش ۇلى
