ا ق ش رەسەيگە قارسى اسكەري شابۋىل جاساي الا ما؟

استانا. قازاقپارات -ا ق ش رەسەيگە قارسى اسكەري شابۋىل جاساي الادى. بۇل تۋرالى وسى اپتادا ا ق ش-تىڭ قورعانىس ءمينيسترىنىڭ ورىنباسارى روبەرت ۆورك مالىمدەدى. نەگىزىنەن، بۇعان دەيىن دە وسىنداي قاتتى مالىمدەمەلەر جاسالعان، الايدا بۇل جولعىسى حالىقارالىق قۇجاتتارمەن بەكىتىلىپ، الەمنىڭ ۇرەيىن الىپ وتىر.

وتكەن اپتادا عانا ا ق ش پرەزيدەنتى باراك وباما ناتو-عا مۇشە مەملەكەتتەر مەن رەسەي اراسىندا اسكەري قاقتىعىستىڭ ورىن الۋ مۇمكىندىگىن جوققا شىعارىپ، مالىمدەمە جاساعان بولاتىن. ءبىراق بۇل باعىتتاعى امەريكانىڭ مالىمدەمەسى ىستەگىسىنە مۇلدە ساي بولماي شىعىپ جاتىر. سوندىقتان سوڭعى كەزدەرى عالامتوردا «ا ق ش پەن رەسەي اشىق كەتىسەدى» دەگەن ۇرەي تۋعىزار دابىرا اڭگىمەگە نەگىز جوق دەپ ايتۋعا كەلمەس» دەپ جازادى دني. رۋ پورتالى.

ماسەلەن، بالتىق جاعالاۋىنا ا ق ش اسكەرىنىڭ كەلىپ، قونىستانعانىنا ءۇش ايدىڭ ءجۇزى بولعان. ولاردىڭ ءبىر رۋمىنيادا 22 زىمىران اتقىلاعىش ۇشاعى تۇر. سول سەكىلدى جۋىردا ا ق ش سەناتى ءبىرىنشى وقىلىمدا-اق ۋكراينانى ناتو-سىز-اق ءوزىنىڭ وداقتاسى ەتىپ جاريالايتىن زاڭ جوباسىن ماقۇلدادى. بۇل قۇجاتقا سايكەس، رەسەي ۋكرايناعا اشىق اسكەري شابۋىل جاسايتىن بولسا، وندا ا ق ش ءوزىنىڭ وداقتاسىنىڭ تەرريتورياسىنا جاۋىنان بىرلەسە قورعانۋ ءۇشىن اسكەر كىرگىزەتىن بولادى. سونداي-اق ا ق ش-تىڭ وداقتاسى مارتەبەسىنە گرۋزيا جانە مولدوۆا دا يە بولعان. وسى قۇجات بارلىق ەلدىڭ مەكەمەسى مەن قۇرىلىمدارىنا رەسەي اننەكسيالاعان قىرىم تاۋەلسىزدىگىن مويىنداۋ ماقساتىندا ءىس-قيمىل جاساۋىنا تىيىم سالادى.

مالايزيا ۇشاعى اپاتىن زەرتتەۋ ماقساتىندا دەگەن جەلەۋمەن بۇگىندەرى ۋكرايناعا پەنتاگوننىڭ ەڭ بىلىكتى ءبىرقاتار مامانى جىبەرىلگەن. ال شىنتۋايتىندا، ولار جاۋدىڭ كوزىن جويۋ ءۇشىن جىلدام قيمىلداۋدىڭ ەڭ وزىق تەحنولوگيالارىن جەرگىلىكتى اسكەريلەرگە ۇيرەتۋ ءۇشىن كەلگەن دەسەدى. قالاي دەگەنمەن دە الگى قۇجاتقا سۇيەنىپ، وباما ۋكراينانىڭ اسكەري سالاسىنا كومەكتەسۋ ءۇشىن بۇيرىق تا بەرىپ قويىپتى. الايدا وندا بۇل كومەك ىشىندە تەحنيكالىق جاعى قاراستىرىلمايدى دەۋ ۇمىتىلماي جازىلىپتى.

ارينە، مۇنى وزىنە تونگەن تىكەلەي قاۋىپ دەپ ساناعان رەسەي بۇگىندەرى ستراتەگيالىق ارىپتەسى قىتايمەن بىرلەسىپ ناقتى ءىس-قيمىلعا كوشكەن. ءبىراق ونىڭ قانداي ءىس-قيمىل ەكەندىگى ەشقاي جەردە ناقتى ايتىلمايدى. ءبىراق كەشە پەنتاگوننىڭ رەسمي وكىلدەرى «وبامانىڭ رەسەيگە قارسى اسكەري كۇش قولدانبايمىز دەگەنىنە قاراماستان ءبىز قوقان-لوقى كورسەتىپ وتىرعان رەسەي مەن قىتايعا قارسى جاۋاپ قاتۋعا دايىن بولۋىمىز كەرەك» دەپ مالىمدەگەن. سوزبە-ءسوز كەلتىرە كەتەلىك: «قىتاي مەن رەسەي ەكىنشى دۇنيەجۇزىلىك سوعىستان كەيىن بەلگىلەنگەن حالىقارالىق ءتارتىپتى قايتادان قاراستىرعىسى كەلىپ، شەكاراسى ماڭىنداعى اسكەري قۇرىلىمدارىن كۇشەيتىپ، وزگەلەرگە دوق كورسەتىپ جاتىر. ماسكەۋ مەن پەنكين كورسەتىپ وتىرعان دوعىنا ا ق ش-تىڭ اسكەري تاسىلمەن جاۋاپ قاتا الاتىنىن ءبىلۋى ءتيىس». وسىلايشا كەشە رەسمي بولماسا دا ا ق ش ءوزىنىڭ اسكەري دايىندىعىن، قاجەت كەزدە رەسەيگە دە، قىتايعا دا اسكەري شابۋىل جاساي الاتىنىن جەتكىزدى.

ال رەسەيگە قارسى جۋان جۇدىرىقتار تۇيىلگەن سايىن مۇنداعى اسكەريلەردەن دە مازا قاشا باستاپتى.

حۆيليا.net  پورتالىنىڭ حابارلاۋىنشا، عالامتوردان ۋكراينادان قايتقان تابىتتاردى كورگەن رەسەي اسكەرىنىڭ سولداتتارى اسكەري بولۋدان باس تارتىپ، ءۇي-ۇيىنە تارقاي باستاعان. كەلىسىم-شارتپەن اسكەري سالادا قىزمەت ەتىپ جۇرگەندەر ءوز ەركىمەن ارىز جازىپ، جۇمىستان بوساسا، ال وتان الدىندا بورىشىن وتەۋشىلەر اسكەردەن قاشىپ جاتىر. رەسمي ەمەس مالىمەتتەرگە سۇيەنسەك، ۋكراينادا قازا بولعان رەسەيلىك سولداتتار سانى 4 مىڭعا جۋىقتاعان.

بارىنەن ماسقاراسى، بالاسى سوعىستا جۇرگەنىن اتا-انا بىلمەيدى. وسى باعىتتا ءوزىنىڭ جۋرناليستتىك زەرتتەۋىن جاريالاعان ۋكراين ءتىلشىسى ءوزىنىڭ رەسەيلىك ارىپتەسى دميتري باۆىريننىڭ كەلتىرگەن دەرەكتەرگە سۇيەنىپ بىلاي جازادى: «رەسەيدىڭ كەلىسىمشارتپەن جۇمىس ىستەيتىن اسكەري قىزمەتكەرلەرى ۋكراينا جەرىندە وپات بولسا، وندا ولار ءىزىم-قايىم جوعالعاندار قاتارىنا جاتقىزىلىپ، ال قۇجاتتا ولاردى ءبىر اي بۇرىن اسكەردەن ءوز ەركىمەن شىعىپ كەتكەن دەپ جازا سالادى. ال دەنەلەرى وتانىنا ورالمايدى. اتاعى بار رەسمي اسكەريلەر كوز جۇمسا، وندا ولار ەلگە «گرۋز-200» دەگەن اتپەن تانىمال گۋمانيتارلىق كومەك كولىگىمەن جەتكىزىلەدى».

اۆتور: كامشات ساتيەۆا

«الاش ايناسى»