ب ق و-دا «ورىس ءتىلى» ءپانىنىڭ مۇعالىمدەرى تاپشى
اسىرەسە، ماتەماتيكا، حيميا، ورىس ءتىلى ءپانىنىڭ مۇعالىمدەرى جەتىسپەۋدە دەيدى وبلىس اكىمى نۇرلان نوعايەۆ.
"وسى جىلى وبلىسقا 63 جاس مامان كەلدى. 32 سى اۋىلدىق جەرلەرگە جونەلتىلدى. بىلتىر وڭىرگە 126 مامان كەلگەن بولاتىن. وقۋدى جاڭا بىتىرگەن جاس مامانداردى جۇمىسقا شاقىرىپ، تاپشىلىقتى جويۋ ماسەلەسى كۇندەلىكتى نازاردا" دەدى ول.
سونىمەن قاتار، ن. نوعايەۆ وبلىستاعى ءبىلىم وشاقتارىنىڭ قۇرىلىسىنا دا توقتالىپ كەتتى. ونىڭ ايتۋىنشا، سوڭعى ءۇش جىلدا ب ق و-دا 11 مەكتەپ سالىنعان. سونى ىشىندە، اپاتتى مەكتەپتەر ورنىنا 5 جاڭا مەكتەپ عيماراتى بوي كوتەرىپ وتىر. ال، قازىرگى تاڭدا 2 مەكتەپتىڭ قۇرىلىسى جۇرگىزىلۋدە.
"مەكتەپتەردە ءۇش اۋىسىمدى وقۋ جۇيەسى جويىلدى. اپاتتى مەكتەپتەردى جويۋ ماقساتىندا جەرگىلىكتى بيۋدجەت قاراجاتى ەسەبىنەن 4 مەكتەپتىڭ قۇرىلىسى جانە 2 مەكتەپتى كۇردەلى جوندەۋ جۇمىستارى جۇرگىزىلۋدە. بيىلگى جىلى 15 ءبىلىم بەرۋ نىسانىنا كۇردەلى جوندەۋ جۇمىستارى جۇرگىزىلدى" دەدى ءوڭىر باسشىسى.
Baq.kz
