جاڭا جىلدان باستاپ مۇعالىمدەردىڭ جالاقىسى وسەدى
ۇكىمەت ەڭ الدىمەن اۋىل مەكتەپتەرىندەگى وقىتۋشىلاردىڭ ەڭبەكاقىسىن كوتەرەمىز دەپ وتىر. جانە ول قالالىق ۇستازدارمەن سالىستىرعاندا جوعارى بولادى. ول ءۇشىن قازىنادان قوسىمشا 140 ميللياردقا جۋىق تەڭگە ءبولىنۋى مۇمكىن.
ياعني، 14-17 جىلدىق تاجىريبەسى بار جوعارى ساناتتاعى مۇعالىمدەردىڭ جالاقىسى قازىر 81 مىڭ تەڭگە بولسا، كەلەسى جىلى شىلدەدەن باستاپ 110 مىڭ تەڭگەگە جەتەدى. ءتىپتى ۇستازداردىڭ ىنتاسىن ارتتىرۋ ءۇشىن ۇستەماقى تولەۋدى دە قولعا الىنباق. وسىلايشا، ءبىلىم مينيسترلىگى ءتول مەرەكەسى قارساڭىندا ۇستازداردى جارىلقاپ جاتىر.
اسلان ءسارىنجىپوۆ، ءبىلىم جانە عىلىم ءمينيسترى:
- ءبىراق، ۇستازداردىڭ جالاقىسى جاپپاي كوتەرىلمەيدى. ەگەر، ءبارىنىڭ ەڭبەكاقىسىن بىردەي وسىرسەك، ينفلياتسيا بولادى، ازىق- تۇلىكتىڭ باعاسى قىمباتتاۋى مۇمكىن. سوندىقتان جالاقى مۇعالىمدەردىڭ بىلىكتىلىگىنە، شەبەرلىگىنە بايلانىستى وسەدى.
