كوشى-قون پوليتسياسىندا ىستەيتىن پوليتسەي قىز رەسپۋبليكالىق ءان بايقاۋىندا لاۋرەات اتاندى

قىزىلوردا. قازاقپارات - الماتى قالاسىندا وتكەن «ءبىز ماڭگىلىك ەل بولامىز!» اتتى پاتريوتتىق اندەر بايقاۋىنا قىزىلوردا وبلىستىق ءى ءى د-نىڭ اتىنان قاتىسقان ءى ءى ب-نىڭ كوشى-قون پوليتسيا بولىمشەسىنىڭ ينسپەكتورى اعا لەيتەنانت شىنار مىرزاليەۆا جۇلدەلى Ⅱورىندى يەلەنىپ، لاۋرەات اتاندى. بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.

رەسپۋبليكالىق كونكۋرسقا الماتى، جامبىل، قىزىلوردا، وڭتۇستىك قازاقستان وبلىستارى مەن الماتى جانە استانا قالاسىنان بارلىعى 86 پوليتسيا قىزمەتكەرى قاتىسىپ، باقتارىن سىنادى. بايقاۋدىڭ باستى ماقساتى - ىشكى ىستەر ورگاندارى قىزمەتكەرلەرىنىڭ قوعامداعى وڭ ءيميدجىن نىعايتۋ، بەدەلىن ارتتىرىپ، وتانعا، تىلگە، ءوز ەلىنىڭ تاريحىنا دەگەن پاتريوتتىق رۋحىن كوتەرۋ بولىپ تابىلادى.

شىنار بايقاۋدا ق. قازبەكوۆتىڭ سوزىنە، ر. تايمانوۆتىڭ انىنە جازىلعان «قازاعىم» ولەڭىن ورىنداپ، كورەرمەندەر كوزايىمىنا بولەندى.

ايتا كەتەرلىك جايت، باس جۇلدەنى كولىكتەگى ىشكى ىستەر دەپارتامەنتىنىڭ اتىنان قاتىسۋشى شوقان جۇزەنوۆ جەڭىپ السا، 1- ورىندى جامبىل وبلىستىق ءى ءى د-نىڭ ينسپەكتورى نۇرىم قويگەلديەۆ يەلەندى. بارلىق جەڭىمپازدار ق ر ءى ءى م- ءنىڭ ديپلومىمەن جانە باعالى سىيلىقتارمەن ماراپاتتالدى.

اۆتور: ەلۋباي اۋەزوۆ