تۇركيا ارمياسى يراك پەن سيريا جەرىندە اسكەري وپەراسيالار جۇرگىزۋگە رۇقسات الدى
قابىلدانعان شەشىم بويىنشا، تۇرىك ۇكىمەتى قاجەت دەپ تاپقان جاعدايدا وزىمەن كورشىلەس ەكى مەملەكەتتىڭ اۋماعىندا اسكەري شارالار وتكىزۋگە ءبىر جىل مەرزىمگە ماندات الىپ وتىر.
بۇعان دەيىن بىرنەشە اي بويى تۇركيا «يسلام مەملەكەتى» سودىرلارىنا قارسى كۇرەس ماسەلەسىندە ۇستامدىلىق تانىتىپ كەلگەن ەدى. ازىرشە رەسمي انكارا يم ەكسترەميستەرىنە قارسى ا ق ش باستاعان حالىقارالىق كواليتسياعا ناقتى قانداي ءىس- قيمىلدارمەن قولداۋ كورسەتەتىنى تۋرالى ەشتەڭە ايتقان جوق.
تۇركيا پرەزيدەنتى رەجەپ تايىپ ەردوعان سيريالىق بوسقىنداردىڭ قاۋىپسىزدىگىن قامتاماسىز ەتۋ ءۇشىن سيريانىڭ تۇركيامەن شەكاراسى بويىندا قاۋىپسىزدىك ايماعىن بەلگىلەپ، ول جەردە ۇشاق ۇشۋىنا تىيىم سالۋدى ۇسىنعان.
ۆاشينگتون «يسلام مەملەكەتى» ەكسترەميستىك توبىنا قارسى حالىقارالىق اليانس قۇرۋ ماسەلەسى بويىنشا ا ق ش وكىلىنىڭ جاقىن ۋاقىتتا تۇركياعا باراتىنى تۋرالى حابارلاعان.
«ازاتتىق» سايتى
