ورالدا ق ر قورعانىس مينيسترلىگىنىڭ ورتالىق ءانسامبلى كونسەرت قويدى - فوتو
ساپار بارىسىندا ورال گارنيزونى، سونداي- اق اسكەري بولىمدەر كومانديرلەرىمەن كەزدەسۋلەر ۇيىمداستىرىلىپ، وندا جاستار اراسىندا وتانشىلدىقتى نىعايتۋ، قارۋلى كۇشتەر بەدەلىن كوتەرۋ باعىتىندا كەلەلى اڭگىمە قوزعالدى.
«باتىس» وڭىرلىك قولباسشىلىعى، 5517 اسكەري ءبولىم، وبلىستىق قورعانىس ىستەرى جونىندەگى دەپارتامەنت قىزمەتكەرلەرى، اسكەري- تەحنيكالىق مەكتەپ وقۋشىلارى، ستۋدەنت جاستار تاماشالاعان كونتسەرتتە ۇلى وتان سوعىسى ارداگەرلەرىنە ارنالعان، وتان تۋرالى اندەر ورىندالدى. كۇي مەن بيگە دە كەزەك بەرىلدى. فولكلورلىق- ەتنوگرافيالىق، بي، ۆوكالدى- حور توپتارى، ەسترادالىق وركەسترى، جەكە سوليستەرى بار اتالمىش انسامبل قۇرامىندا 50 دەي ادام ونەر كورسەتتى.
شارا سوڭىندا وبلىس اكىمىنىڭ ورىنباسارى باقتيار ماكەن، وبلىستىق قورعانىس ىستەرى جونىندەگى دەپارتامەنت باستىعى، پولكوۆنيك البەرت جاكيايەۆ جانە باسقالار انسامبلگە ريزاشىلىعىن ءبىلدىردى.
