14:23, 02 - قازان 2014 | GMT +5
سەنات سايلاۋى بالاما نەگىزدە ءوتتى - ت م د بايقاۋشىلارى
استانا. قازاقپارات - ق ر پارلامەنتى سەناتى دەپۋتاتتارىن سايلاۋ بالاما نەگىزدە ءوتتى. بۇل تۋرالى بۇگىن ق ر ورتالىق سايلاۋ كوميسسياسى عيماراتىندا وتكەن بريفينگتە تاۋەلسىز مەملەكەتتەر دوستاستىعى بايقاۋشىلار ميسسياسىنىڭ جەتەكشىسى سەرگەي لەبەديەۆ ايتتى.
«ءبىز قازاقستان رەسپۋبليكاسىنىڭ بارلىق وڭىرلەرىندە وتكەن سايلاۋعا دايىندىق بارىسىن جانە ونىڭ ءوتۋىن ءجىتى باقىلادىق. دايىندىق شارالارىن ۇيىمداستىرۋ دەڭگەيىنىڭ جوعارىلىعىن، و س ك مەن وبلىستىق سايلاۋ كوميسسيالارى جۇمىسىنىڭ ناقتىلىعىن ايرىقشا اتاپ وتكىم كەلەدى»، - دەدى ول.
ونىڭ اتاپ وتۋىنشە، بارلىق كانديداتتار ءوز باعدارلامالارىن تانىستىرۋعا، قوعام وكىلدەرىمەن كەزدەسۋگە جانە بۇقارالىق اقپارات قۇرالدارىندا مالىمدەمە جاساۋعا جان-جاقتى مۇمكىندىك العان.
«سايلاۋدىڭ بالاما نەگىزدە وتكەندىگى قۋانتادى. بارلىق جەردە سەنات دەپۋتاتىنىڭ 1 ورنىنا 2-3 كانديداتتان ۇمىتكەر بولدى»، - دەدى ول.
اۆتور: مارلان جيەمباي
