قازاقستان ب ۇ ۇ-نىڭ «ەلەكتروندىق ۇكىمەت» رەيتينگىندە نەشىنشى ورىندا تۇر؟
ەسكە سالا كەتەيىك، جالپى وتىرىستا «قازاقستان رەسپۋبليكاسىنىڭ ۇكىمەتى مەن بىرىككەن ۇلتتار ۇيىمى اراسىنداعى تەحنيكالىق ىنتىماقتاستىقتىڭ نىسانالى قورى تۋرالى كەلىسىمدى راتيفيكاتسيالاۋ تۋرالى» ق ر زاڭى قابىلدانعان بولاتىن.
اتالعان زاڭ ەلىمىزدە ب ۇ ۇ-نىڭ «ەلەكتروندىق ۇكىمەت» جونىندەگى جاھاندىق فورۋمىن وتكىزۋدى قاراستىرادى. «بۇعان دەيىن مۇنداي فورۋم رەيتينگتە ءبىرىنشى ورىندا تۇرعان وڭتۇستىك كورەيا ەلىندە وتكەن بولاتىن.
ال ءۇشىنشى جاھاندىق جيىننىڭ قازاقستاندا ءوتۋى - بۇل ەلىمىزدە «ەلەكتروندىق ۇكىمەتتىڭ» دامىپ وتىرعانىن بىلدىرەدى. ءبىز ب ۇ ۇ رەيتينگىندە 28- ورىندا تۇرماساق، وندا بۇل فورۋم دا بىزگە ۇسىنىلماس ەدى. ال جيىنعا كەلسەك، وعان تەك قازاقستاندىق وكىلدەر عانا ەمەس، دامىعان، دامىپ كەلە جاتقان مەملەكەتتەردەن كوپتەگەن ماماندار قاتىسادى»، - دەدى ۆيتسە-مينيستر ا. جۇماعاليەۆ.
ونىڭ ايتۋىنشا، قازىرگى تاڭدا قازاقستاندا جىل سايىن «ەلەكتروندىق ۇكىمەت» ارقىلى 30 ميلليوننان استام قىزمەتتەر كورسەتىلەدى.
«بۇل ديناميكا ساقتالىپ، ارتىپ كەلەدى. ماسەلەن، اعىمداعى جىلدىڭ ىىشىندە ءبىز قىزمەتتەردى 40 ميلليونعا جەتكىزىپ وتىرمىز»، - دەدى ۆيتسە-مينيستر.
ايتا كەتەيىك، سوڭعى جىلدارى قازاقستان اكىمشىلىك باسقارۋ جۇيەسىن تۇرلەندىرۋگە مۇمكىندىك بەرەتىن اقپاراتتىق-كوممۋنيكاتسيالىق تەحنولوگيالاردى قوسا العاندا، مەملەكەتتىك سەكتوردى جاڭعىرتۋعا زور كۇش سالىپ كەلەدى. ال ب ۇ ۇ-نىڭ «ەلەكتروندىق ۇكىمەتتى» زەرتتەۋىنىڭ ناتيجەسىندە 2012-جىلى قازاقستان ورتالىق ازيا وڭىرىندە كوشباسشى ەل بولىپ تانىلعان.
اۆتور: قانات مامەتقازى ۇلى
