كۇللى تۇركى دۇنيەسى ءۇشىن ماڭىزى زور پوەزيا كەشى ءوتتى
اقىندار كەشى اقىندار مەن جازۋشىلاردىڭ كىتاپتارىنا قول قويۋ راسىمىمەن باستالدى. ونى ەلازىك قالاسىنىڭ تۋريزم جانە مادەنيەت دەپارتامەنتىنىڭ باسشىسى اشتى. كەش اياسىندا اقىندار مارشى ءوتتى. وعان قالا باسشىلارى، تۇركيا قالالارىنان كەلگەن قوناقتار، وقۋشىلار جانە تۇركى دۇنيەسىنىڭ اقىندارى قاتىستى.
كۇللى تۇركى دۇنيەسى ءۇشىن ماڭىزى زور پوەزيا مەرەكەسىنە بيىل قازاقستاننىڭ اتىنان بەلگىلى اقىن، «جۇلدىز» جۋرنالىنىڭ باس رەداكتورى ۇلىقبەك ەسداۋلەت قاتىستى. سونداي-اق تۇركى الەمىنىڭ ازەربايجاننان اكىف احمادوۆ، يراكتان دجيەۆدەت كادىوۋلۋ، گرۋزيادان راپيك گۋمباتوۆ، گاگاۋزيادان فيودۋر زانەت، قىرىمنان تاۋىر قىرىموۆ، قىرعىزستاننان كەرىمبەك كادىراكۋنوۆ، وزبەكستاننان ءمىرازيز اعزاموۆ، تاتارستاننان فارىت ياحىن سىندى اقىندارى قاتىستى. ولار «بايراق» تاقىرىبىنداعى ولەڭدەرىن وقىدى.
ەلازىعتا باس قوسقان پوەزيا ساڭلاقتارى ەكى كۇن بويى وزدەرىنىڭ ولەڭ جىرلارىن وقىپ، تۇركى ادەبيەتىنىڭ قازىرگى جاعدايىن تالقىلادى.
