قاراعاندى وبلىسىندا مىڭعا جۋىق قوي قىرىلىپ قالدى

استانا. قازاقپارات - قاراعاندى وبلىسىنىڭ اقتوعاي اۋدانىندا برۋسەللەزدەن ۇساق مال قىرىلىپ جاتىر.

ايتالىق، ءبىر عانا «اقساي» قىستاۋىندا وسى اۋرۋدان 800 دەن استام قوي ولگەن.

اۋداندىق پروكۋراتۋرا وكىلدەرىنىڭ ايتۋىنشا، بۇعان وڭىردەگى ۆەتەرينارلىق ينسپەكتورلار كىنالى. ولار شارۋا قوجالىعىنداعى ۇساق مالدان برۋسەللەز دەرتىن انىقتاعان سوڭ، ونى جويۋ تۋرالى شەشىمدى تەك ءبىر ايدان كەيىن عانا قابىلداعان.

ال زاڭعا سايكەس، قاۋىپتى ىندەتتى جۇقتىرعان مالدار دەرەۋ وقشاۋلانىپ، ارنايى ورىندا ورتەلۋى ءتيىس ەكەن. سونىڭ سالدارىنان برۋتسەللەز كورشىلەس اۋىلدارداعى مالدارعا دا جۇققان.

مامانداردىڭ ايتۋىنشا، شارۋا يەسىنە كەلگەن شىعىن كولەمى وراسان، شامامەن 800 دەن استام قوي قىرىلىپ قالعان.

 مەدەت زاركەنوۆ، اقتوعاي اۋدانى پروكۋرورىنىڭ كومەكشىسى:

- قىرىلعان مالداردىڭ زاردابىن جويۋعا بەرىلەتىن اقشانىڭ وزىمەن مەملەكەتكە قانشاما شىعىن كەلىپ وتىر. بۇل تاراپتا ءبىز ۆەتەرينارلىق ينسپەكسياعا، وبلىستىق دەپارتامەنتكە ۇسىنىس بەردىك. سول بويىنشا جاۋاپتى تۇلعالار تارتىپتىك جاۋاپقا تارتىلدى.

«حابار» تەلەارناسى