شىمكەنت كوشەسىندە جالاڭاش جۇرگەن ادام جان تاپسىرا جازدادى

الماتى. قازاقپارات - شىمكەنتتە بەلگىسىز بىرەۋلەر كوشەدە جالاڭاش تۇرعان ادامعا وق جاۋدىردى.

ءبىر كۇن بۇرىن عانا عالامتورعا شىققان وسىنداي بەينەكورىنىستى قازىردىڭ وزىندە مىڭداعان ادام كورىپ ۇلگەرگەن دەپ حابارلايدى ktk ارناسى.

كوشە ورتاسىندا تىرجالاڭاش تۇرعان ەر كىسىگە بەلگىسىز ءبىر كولىكتىڭ ىشىندەگىلەر تراۆماتيكالىق قارۋدان وق اتىپ جاتىر.

ال الگى ادامنىڭ وق تيگەن جەرلەرىن قولىمەن ۇستاپ، اۋىرسىنىپ ىڭىرسىعان داۋىسى انىق ەستىلەدى.

كولىكتەگىلەر جالاڭاش جۇرگەن ادامدى بالاعاتتاپ، كەيىن ونى تاعى دا بىرنەشە مارتە اتىپ، تايىپ تۇردى. الايدا، قارۋ قولدانعاندار مەن جالاڭاش كۇيى كوشەدە جۇرگەن ازاماتتىڭ كىم ەكەنى ازىرگە بەلگىسىز.

وبلىستىق ىشكى ىستەر دەپارتامەنتىندەگىلەر بۇل وقيعاعا بايلانىستى ەشتەڭە ايتا الماي وتىر.