قاراعاندى قالاسىنىڭ بۇرىنعى اكىمى مەيرام سماعۇلوۆ ۇستالدى

قاراعاندى. قازاقپارات - قاراعاندى قالاسىنىڭ بۇرىنعى اكىمى مەيرام سماعۇلوۆ قىزمەتتىك لاۋازىمىن اسىرا پايدالاندى دەگەن كۇدىكپەن ۇستالدى، دەپ حابارلايدى قازاقپارات ءتىلشىسى.

بەلگىلى بولعانداي، م. سماعۇلوۆ كۇدىكتى رەتىندە ۋاقىتشا ۇستاۋ وقشاۋلاعىشىنا قامالدى.

بۇدان بۇرىن مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى م. سماعۇلوۆتىڭ ۇستىنەن ق ر ق ك 307 -بابى بويىنشا (قىزمەتتىك لاۋازىمىن اسىرا پايدالانۋ) قىلمىستىق ءىس قوزعاعان.

سماعۇلوۆ قاراعاندى اكىمى كەزىندە ءوز ۇيىنە «قولجەتىمدى باسپانا» مەملەكەتتىك باعدارلاماسى بويىنشا تۇرعىن ءۇي سالعان «يۋتەكس» كومپانياسىنىڭ ەسەبىنەن جوندەۋ جۇمىستارىن جۇرگىزگەن.

الدىن الا باعالاۋ بويىنشا، جوندەۋ جۇمىستارىنا 5 ميلليون تەڭگە جاراتىلعان.

م. سماعۇلوۆ 2012 - جىلدىڭ قازانىندا قاراعاندى قالاسىنىڭ اكىمى بولىپ تاعايىندالعان ەدى. 2014 - جىلعى ماۋسىمدا ءوز وتىنىشىمەن وتستاۆكاعا كەتتى.