قازاقستاننىڭ باستى برەندى - ونىڭ اتاقتى سپورتشىلارى - ق. زاكيريانوۆ
ونىڭ سوزىنە قاراعاندا، ءتۇرلى ەلدەردە وتكەن تەك وليمپيادالىق ويىنداردىڭ وزىندە قازاقستاننىڭ تۋى 41 رەت كوتەرىلىپتى. ولاردىڭ ىشىندە 28 رەت اتالمىش اكادەميا تۇلەكتەرىنىڭ قۇرمەتىنە كوتەرىلگەن.
«70 جىل ىشىندە ءبىزدىڭ اكادەميا 20 مىڭنان استام مامان دايارلاپ شىعاردى. بۇگىندە ءبىزدىڭ تۇلەكتەر ءار ءتۇرلى سالالاردا جەمىستى ەڭبەك ەتىپ كەلەدى. 2002-جىلى قازاقتىڭ سپورت جانە تۋريزم اكادەمياسىنىڭ باستاماسىمەن حالىقارالىق دەنە شىنىقتىرۋ جانە سپورت ۋنيۆەرسيتەتتەرىنىڭ قاۋىمداستىعى قۇرىلدى. بۇگىندە بۇل ۇيىمنىڭ قۇرامىنا بۇكىل دۇنيە جۇزىنەن 46 ۋنيۆەرسيتەت ەنگەن. ءبىز جىل سايىن ءار ءتۇرلى ەلدەردە «وليمپيادالىق سپورت جانە بارشاعا ارنالعان سپورت» اتتى عىلىمي كونگرەسس جانە «ۋنيۆەرسيتەتتىك سپورت: دەنساۋلىق جانە ۇلتتىڭ وركەندەۋى» اتتى حالىقارالىق عىلىمي كونفەرەنتسيالار وتكىزىپ تۇرامىز» - دەدى ءوز سوزىندە ق. زاكيريانوۆ.
ايتا كەتەلىك، قازاقتىڭ سپورت جانە تۋريزم اكادەمياسى 1944-جىلى 14- قاراشادا قۇرىلعان. سول كۇنى ك س ر و حالىق كوميسسارلارى كەڭەسى الماتى قالاسىندا قازاق مەملەكەتتىك دەنە شىنىقتىرۋ ينستيتۋتىن قۇرۋ تۋرالى قاۋلى قابىلدادى.
1998-جىلى ق ر ۇكىمەتىنىڭ قاۋلىسىمەن قازاقتىڭ سپورت جانە تۋريزم اكادەمياسى بولىپ قايتا قۇرىلدى.
ال الماتىدا وتەتىن 2017-جىلعى XXVIII بۇكىل الەمدىك قىسقى ۋنيۆەرسياداعا ارنالعان XVIII «وليمپيادالىق سپورت جانە بارشاعا ارنالعان سپورت» حالىقارالىق عىلىمي كونگرەسىنىڭ جۇمىسى 4- قازانعا دەيىن جالعاسادى.
اۆتور: جاپپاربەرگەن ايبوتا
