دينارا ءسادۋاقاسوۆا الەمنىڭ ءۇش دۇركىن چەمپيونى اتاندى
بۇل - دينارانىڭ سپورتتىق مانسانباعى ءۇشىنشى جەڭىسى. بۇعان دەيىن وتانداسىمىز 14 جانە 17 جاسقا دەيىنگى سپورتشىلار اراسىنداعى الەم چەمپيونى اتانعان بولاتىن.
وڭتۇستىك افريكا رەسپۋبليكاسىنىڭ دۋربان قالاسىندا ءوتىپ جاتقان الەم بىرىنشىلىگىندە قازاقستاندىق سپورتشى مۇمكىن بولعان 11 ۇپايدىڭ 10 ىن ەنشىلەدى. سوندىقتان دا ول الەم بىرىنشىلىگىنىڭ اياقتالۋىنا ءبىر تۋر قالعاندا چەمپيون اتانىپ قويدى. بۇل جەڭىسىنەن كەيىن دينارا ءسادۋاقاسوۆا FIDE TOP 100 Women رەيتينگىنىڭ قازان ايىنداعى تىزىمىندە 11 ساتىعا جوعارىلادى. قازىر ول - 53-ورىندا.
بۇل كورسەتكىش - قازاقستان ءۇشىن ازىرشە ەڭ جوعارعى ناتيجە. ءتىزىمنىڭ ءبىرىنشى ساتىسىنا ۆەنگريالىق يۋديت پولگار ورنالاسقان. ايتا كەتەيىك، دۋرباندا وتكەن الەم بىرىنشىلىگىندە قازاقستاندىق تاعى ءبىر سپورتشى ءبيبىسارا اساۋبايەۆا كۇمىس مەدال ولجالادى. تولىعىراق مىنا سىلتەمەدەن وقي الاسىزدار.
ەسكە سالايىق، بۇعان دەيىن قازاقستان قۇراماسى بۇكىل الەمدىك شاحمات وليمپياداسىندا التىنشى ورىن العان ەدى. مۇنداي جەتىستىكتى كوپتەگەن ب ا ق زور تابىس دەپ جازدى. نورۆەگيانىڭ ترومسە قالاسىندا وتكەن دودانىڭ سوڭعى تۋرىندا قازاقستان قۇراماسى چەحيا قۇراماسىن 3:1 ەسەبىمەن ۇتتى. بۇكىل الەمدىك شاحمات وليمپياداسى بارىسىندا دينارا ءسادۋاقاسوۆا الەمنىڭ مىقتى شاحماتشىلارىمەن كەزدەسىپ، 2488 ۇپاي جينادى.
مۇنداي كورسەتكىش نەگىزى ەرلەردىڭ ورتاشا ۇپايى بولىپ سانالادى. ال قازاقستان قۇراماسىنىڭ تاعى ءبىر سپورتشىسى، حالىقارالىق دەڭگەيدەگى گروسسمەيستەر گۇلميرا داۋلەتوۆا جاسوسپىرىمدەر اراسىنداعى وليمپيادانىڭ قولا جۇلدەگەرى اتاندى.
