00:39, 03 - قازان 2014 | GMT +5
بوكو حارام باسشىسى ءوزىنىڭ اجال قۇشقانى تۋرالى حاباردى جوققا شىعاردى
استانا. قازاقپارات - «بوكو حارام» يسلامشىلار توبىنىڭ باسشىسى ءوزىنىڭ ءولىم قۇشقانى تۋرالى حاباردى جوققا شىعاردى.
فرانس- پرەسس اگەنتتىگىنە كەلىپ تۇسكەن بەينەجازبادا ابۋباكار شەكاۋ سونداي- اق «بوكو حارام» باقىلاۋىنداعى اۋماقتا قاتاڭ شاريعات زاڭدارى ورناتىلىپ جاتقانىن ءمالىم ەتتى. ونىڭ سوزىنە قاراعاندا، ادامعا تاس لاقتىرۋ مەن ونىڭ اياق- قولدارىن كەسۋ شارالارى دا قولدانىلىپ جاتىر.
ايتا كەتەيىك، وسىعان دەيىن نيگەريا اسكەرى ابۋباكار شەكاۋدىڭ قازا تاپقانى تۋرالى حابارلاعان بولاتىن. 36 مينۋتتىق بۇل بەينەجازبانىڭ قاشان تۇسىرىلگەنى بەلگىسىز، الايدا تىلشىلەردىڭ سوزىنە قاراعاندا، وندا سويلەپ تۇرعان ادام «بوكو حارام» جەتەكشىسىنە قاتتى ۇقسايدى، دەپ حابارلادى BBC.
