قازاقستانداعى ەڭ ءىرى بانكتەردىڭ يەلەرى كىمدەر؟

استانا. قازاقپارات - سوڭعى جارتى جىلدىقتا قازاقستان قور بيرجاسىنا تاپسىرىلعان ەسەپ بويىنشا بانكتەردىڭ كاپيتالىن Forbes.kz سارالاعان.

مالىمەتتەرگە ساي، العاشقى ورىن - «حالىق بانكىنە» تيەسىلى. ونىڭ كاپيتالى - 2 تريلليون 746 ميلليارد تەڭگەنى قۇرايدى. 72,3 پايىز اكسياسى تيمۋر جانە دينارا قۇلىبايەۆتاردىڭ يەلىگىندە.

ەكىنشى ورىندا - 2 تريلليون 712 ميلليارد تەڭگەسى بار «قازكوممەرتسبانك». 46,36 پايىزدىق ۇلەسىمەن نۇرجان سۇبحانبەردين نەگىزگى اكسيونەر.

كەلەسى ورىندا - «ب ت ا» بانك. كاپيتالى - 1 تريلليون 534 ميلليارد تەڭگە. بانكتىڭ 46,5 پايىزدىق ۇلەسى كەڭەس راقىشيۆقا تيەسىلى.
Alashainasy.kz