سەرگەي كۋلاگين كوكشەتاۋ قالاسىندا سالىنىپ جاتقان جاڭا مەشىتتە بولدى

كوكشەتاۋ. قازاقپارات - اقمولا وبلىسىنىڭ اكىمى سەرگەي كۋلاگين كوكشەتاۋ قالاسىندا سالىنىپ جاتقان جاڭا مەشىت قۇرىلىسىندا بولىپ، ونى بەلگىلەنگەن مەرزىمىندە ىسكە قوسۋدىڭ نەگىزگى ماسەلەلەرىن پىسىقتاپ، تالقىلادى.

قازىر جاڭا مەشىت قۇرىلىسىندا اۋقىمدى جۇمىستار اتقارىلدى. مەشىت عيماراتىنىڭ ىشكى، سىرتقى جۇمىستارى قىزۋ جۇرگىزىلۋدە. قۇرىلىسشىلار مەشىتتىڭ قالعان ەكى مۇناراسىن قاپتاپ، ماڭىن اباتتاندىرۋ ۇستىندە. قۇرىلىس جۇمىستارىن «المات- كوكشەتاۋ» ج ش س قولعا العان. مەردىگەرلەر سوزىنە قاراعاندا، قازىر بۇل جۇمىستاردىڭ 94 پايىزى ورىندالعان.

 قازىرگى كەزدە مەردىگەرلەرگە يران ەلىنەن مەشىتكە قاجەتتى 114 دانا اسپالى شام جەتكىزۋ ءۇشىن 5 ميلليون تەڭگەگە جۋىق اقشا قولبايلاۋ بولىپ وتىرعان كورىنەدى. وسى رەتتە ايماق باسشىسى بۇل قارجىنى بىرەر كۇندە تاۋىپ بەرەتىن جەتكىزدى.

سونىمەن قاتار وبلىس اكىمى سەرگەي كۋلاگين قۇرىلىسشىلارمەن اشىق- جارقىن اڭگىمە بارىسىندا جۇمىس قارقىنى، قۇرىلىس ماتەريالدارىمەن، جالاقىمەن قامتاماسىز ەتۋ جايى تۋرالى سۇراستىرىپ ءبىلدى. وبلىس باسشىسى قالا تۇرعىندارى، بۇكىل مۇسىلمان قاۋىمى ءۇشىن اسا ماڭىزدى بۇل قۇرىلىس نىسانىن سالۋ بارىسىندا بارلىق قۇرىلىس تالاپتارىن ساقتاپ، ونىڭ ساپاسىنا ەرەكشە كوڭىل ءبولۋ قاجەتتىگىنە نازار اۋداردى جانە مەشىت قۇرىلىسى ۇنەمى وبلىستىق اكىمدىكتىڭ باقىلاۋىندا ۇستالاتىندىعىن اتاپ ءوتتى.

 اۆتور: اسلان وسپانوۆ