قازاقستاندىقتار قازان ايىنان باستاپ جاڭا تەلەحيكايانى تاماشالايدى

استانا. قازاقپارات - قازاقستاندىق رەجيسسەر، كليپمەيكەر، سەناريست، پروديۋسەر اسقار ۇزابايەۆتىڭ «بويداق» اتتى كوپ ءبولىمدى فيلمى قازان ايىندا كورەرمەندەر نازارىنا ۇسىنىلماق.

فيلم سيۋجەتىندە قادىربەك ەسىمدى 43 جاستاعى بويداق تۋرالى باياندالادى. ول ءساتسىز ماحابباتىنان كەيىن، قالعان ءومىرىن جۇمىسىنا ارناعىسى كەلەدى. ءبىر كۇنى ونى لاۋازىمىنان الىپ تاستايدى. ونىڭ دا سەبەبى وتباسىن قۇرماعاندىعى بولادى. قىزمەتىندەگى بەدەلىنەن ايىرىلماۋ ءۇشىن ول تەز ارادا ۇيلەنىپ، وتباسىلى بولۋى كەرەك.

10 بولىمنەن تۇراتىن «بويداق» سەريالى بيىل قازان ايىنان باستاپ، «حابار» ارناسىندا كورسەتىلمەك، دەپ حابارلايدى kinostan.kz.