پەتروپاۆل پوليتسەيلەرى كوكشەتاۋ تۇرعىنىن اسا ءىرى كولەمدەگى گەروينمەن ۇستادى

پەتروپاۆل. قازاقپارات - پەتروپاۆل قالالىق ءى ءى ب ەسىرتكى بيزنەسىنە قارسى كۇرەس ءبولىمىنىڭ قىزمەتكەرلەرى وبلىستىق ءى ءى د ارىپتەستەرىمەن بىرلەسىپ ءىرى كولەمدەگى گەروين ساۋداسىمەن اينالىستى دەگەن كۇدىكپەن كوكشەتاۋ تۇرعىنىن ۇستادى. بۇل تۋرالى س ق و ءى ءى د باسپا ءسوز قىزمەتىنەن حابارلادى.

«اعىمداعى جىلدىڭ شىلدە ايىندا پوليتسياعا 43 جاستاعى ايەل پەتروپاۆل اۋماعىندا گەروين ساتىپ ءجۇر دەگەن حابار كەلىپ تۇسكەن. كەشەندى جەدەل ىزدەستىرۋ شارالارى بارىسىندا اقپارات راستالدى. ايەل قالانىڭ جۇمىسشى كەنتىندەگى كاراۆاننايا كوشەسىنىڭ بويىندا ۇستالدى. ازاماتشادان جالپى سالماعى 5,95 گرامدى قۇرايتىن گەروين تاركىلەندى»، - دەلىنگەن حابارلامادا.

ۇستالعان كوكشەتاۋ قالاسىنىڭ تۇرعىنى بولىپ شىقتى. بۇرىن سوتتالماعان. پەتروپاۆلداعى تۋىستارىنا وسى جىلدىڭ ورتاسىندا كەلگەن. گەرويندى ساتۋ فاكتىسىن مويىندامايدى.

اتالعان فاكتى بويىنشا ق ر ق ك 259- بابى 3- تارماعى بويىنشا قىلمىستىق ءىس قوزعالدى. ول 10 نان 15 جىلعا دەيىن باس بوستاندىعىنان ايىرىلۋى مۇمكىن. مۇلكى تاركىلەنەدى.

جىل باسىنان وبلىس اۋماعىندا زاڭسىز اينالىمنان 149 كەلىدەن استام ەسىرتكى زاتى تاركىلەندى. ونىڭ 3 كەلىسى - گەروين.