يران الەمگە قاۋىپ ءتوندىرىپ تۇر - يزرايل پرەمەر- ءمينيسترى
نيۋ- يوركتە بىرىككەن ۇلتتار ۇيىمىنىڭ باس اسسامبلەياسىندا ءسوز سويلەگەن ول، تەگەراننىڭ يادرولىق مۇمكىندىگىن جويۋعا شاقىردى.
سونداي- اق، تەگەراننىڭ «باسەڭدەگەن ءۇنى» مەن ديالوگقا دايىندالۋ دەمونستراتسياسى تەك حالىقارالىق سانكسيالاردان قۇتىلۋدىڭ جولى دەگەن پىكىرىن ءبىلدىردى. يزرايل ۇكىمەتى باسشىسىنىڭ سوزىنشە، مۇنىڭ بارلىعى يران يادرولىق قارۋ شىعارعان سوڭ تىيىلادى.
سونداي- اق، ول حاماس پەن «يسلام مەملەكەتى» اراسىندا قانداي دا ءبىر پرينتسيپتىك ايىرماشىلىق كورمەيتىنىن ايتتى. بينيامين نەتانياحۋ ەكى ۇيىمدى «ءبىر ۋلى اعاشتىڭ تارماقتارى» دەپ باعالادى.
بينيامين نەتانياحۋ، يزرايل پرەمەر- ءمينيسترى:
«يسلام مەملەكەتى» كۇيرەۋى كەرەك. وعان كۇماندانباي- اق قويۋعا بولادى. ءبىراق، «يسلام مەملەكەتىن» قۇلاتىپ، ال، يراندى يادرولىق كۇشىمەن قالدىرۋ - كۇرەستەگى جەڭىستى جانە سوعىستاعى جەڭىلىستى بىلدىرەر ەدى.
«استانا»
