الەمدەگى ەڭ قىزىقتى دوڭگەلەگى بار ۇيلەر- فوتو
ەكى قاباتتى ۇيدە ەكى جۋىناتىن بولمە، اسحانا، جانە كونفەرەنتس- زال بار. ءۇيدىڭ ىشكى كورىنىسى مەن جيھازدار دا كوزدىڭ جاۋىن الاتىنداي.
مۇندا ساقتىق شارالارى دا قاتال باقىلاۋعا الىنعان. كولىك جۇرگىزۋشىسى جاڭا ۇلگىدەگى بەينەكامەرالار ارقىلى ءار باعىتتى 360 گرادۋستا كورە الادى. كولىكتىڭ سالماعى - 30 توننا. باعاسى - 2 ميلليون ا ق ش دوللارى. الەمدەگى ەڭ ۇلكەن دوڭگەلەكتى ءۇيدىڭ يەسى - گولليۆۋد اكتەرى ەشتون كاتچەر
ەڭ ارزان دوڭگەلەكتى ءۇي
الەمدەگى ەڭ ارزان دوڭگەلەكتى ءۇي - ۆەلوسيپەدتى ءۇي. ءۇش دوڭگەلەكتى ۆەلوسيپەدتى ءۇي Camper bike دەپ اتالادى. ءۇيدىڭ بيىكتىگى ادامنىڭ بويىنداي عانا. وعان جانىنداعى ەسىك ارقىلى كىرۋگە بولادى. ۇيدە توسەك ورنى، كىشكەنتاي اسحانا جانە كيىم جينايتىن جيھاز بار.
ەڭ كىشكەنتاي دوڭگەلەكتى ءۇي
الەمدەگى ەڭ كىشكەنتاي دوڭگەلەكتى ءۇيدى ديزاينەر Cornelius Comanns ۇسىنعان. ءوزىنىڭ تۋىندىسىن ول Bufalino دەپ اتاعان. كىشكەنتاي ءۇي بولعانىمەن، مۇندا بارلىق جاعداي جاسالعان. ۇيدە اسحانا، توسەك ورنى مەن جۋىناتىن ورىن، كيىم ىلگىش جانە جۇمىس ورنى بار. Bufalino-عا، ءتىپتى، جانار- جاعارماي دا از كەتەدى ەكەن.
ەڭ قىمبات دوڭگەلەكتى ءۇي
الەمدەگى ەڭ قىمبات دوڭگەلەكتى ءۇي «Elemment Palazzo» دەپ اتالادى. ونى «Marchi Mobile» كومپانياسى قۇراستىرعان. باعاسى - 3 ميلليون ا ق ش دوللارىن قۇرايدى. مۇندا ديزاينەرلەر كولىك قۇراستىرۋداعى ەڭ سوڭعى جەتىستىكتەردى عانا قولدانىپ قويماي، اۆتو، اۋە جانە ياحتا سپورتىنىڭ ەرەكشەلىكتەرىن ەسكەرگەن.
سالماعى - 20 توننا. بيىكتىگى - 4 مەتر 11 سانتيمەتر. ۇزىندىعى - 20 مەتر. اۆتو ءۇيدىڭ ساعاتىنا 50 شاقىرىم قاشىقتىقپەن جۇرۋگە مۇمكىندىگى بار.
«قازاقستان»
