اۋعانستاننىڭ جاڭا باسشىلىعى قيىن- قىستاۋ كەزەڭ دە كورسەتكەن كومەگى ءۇشىن قازاقستانعا العىسىن ءبىلدىردى
كابۋل قالاسىنىڭ «ارگ» سارايىندا اۋعانستان يسلام رەسپۋبليكاسىنىڭ جاڭادان سايلانعان پرەزيدەنتى اشراف گاني احمادزايدى سالتاناتتى ۇلىقتاۋ ءراسىمى ءوتتى. بۇل شاراعا 34 شەت مەملەكەتتەن ءار ءتۇرلى دەڭگەيدەگى دەلەگاتسيالار وكىلدەرى قاتىستى.
«قازاقستان رەسپۋبليكاسىنىڭ رەسمي دەلەگاتسياسىن ق ر ءبىلىم جانە عىلىم ءمينيسترى اسلان ءسارىنجىپوۆ باستاپ باردى. ونىڭ قۇرامىنا قر سىرتقى ىستەر مينيسترلىگىنىڭ ايرىقشا تاپسىرمالار جونىندەگى وكىلى تيمۋر ورازايەۆ كىردى. مينيستر ا. ءسارىنجىپوۆ اۋعانستاننىڭ جاڭادان سايلانعان پرەزيدەنتىمەن كەزدەستى. كەزدەسۋ بارىسىندا اۋعانستان يسلام رەسپۋبليكاسىنىڭ جاڭا باسشىسىنا اۋعانستان دامۋىنىڭ جاڭا كەزەڭىندە بەيبىتشىلىك پەن كەلىسىمگە تەزىرەك قول جەتكىزۋ تۋرالى ەلباسىمىزدىڭ ىزگى تىلەكتەرى مەن قۇتتىقتاۋلارى جەتكىزىلدى. تاراپتار ءبىلىم سالاسىنداعى ودان ءارى ەكىجاقتى ىنتىماقتاستىق ماسەلەلەرىن تالقىلادى»، - دەلىنگەن ق ر ب ع م باسپا ءسوز قىزمەتىنىڭ مالىمەتىندە.
سونىمەن قاتار قازاقستاندىق دەلەگاتسيا وكىلدەرىمەن جۇزدەسۋ بارىسىندا اۋعانستان يسلام رەسپۋبليكاسىنىڭ ءبىرىنشى ۆيسە- پرەزيدەنتى ابدۋل راشيد دوستۋم اۋعانستاننىڭ باسىنا تۇسكەن قيىن- قىستاۋ ساتتە اۋعان حالقىنا قولداۋ كورسەتكەنى ءۇشىن قازاقستاندى ىنتىماقتاس جانە باۋىرلاس ەل رەتىندە تانيتىنىن، ەلباسى نۇرسۇلتان نازاربايەۆقا شىنايى ىقىلاسىن ءبىلدىردى.
قازاقستان- اۋعان ۇكىمەت ارالىق كوميسسيانىڭ تەڭ ءتوراعاسى، اۋعانستان يسلام رەسپۋبليكاسىنىڭ ساۋدا جانە ونەركاسىپ ءمينيسترى شاكير كارگارمەن ەكى ەل اراسىنداعى ساۋدا- ەكونوميكالىق ىنتىماقتاستىقتىڭ ودان ءارى دامۋى ماسەلەلەرى تالقىلاندى. بۇل ماسەلە جەلتوقسان ايىندا الماتىدا وتەتىن ۇ ا ك- نىڭ كەزەكتى وتىرىسىندا دا قارالماق.
اۋعانستاننىڭ جوعارعى ءبىلىم ءمينيسترىنىڭ ورىنباسارى موحامماد وسمان بابۋريمەن دە كەزدەسۋ ءوتتى. ول ق ر ۇكىمەتىنە اۋعانستان يسلام رەسپۋبليكاسى ءۇشىن جاسالعان مەملەكەتتىك ءبىلىم بەرۋ باعدارلاماسىن جۇزەگە اسىرعانى ءۇشىن العىسىن ءبىلدىردى. قازىرگى ساتتە بۇل باعدارلاما اياسىندا قازاقستاندا 700 دەن استام اۋعاندىق ستۋدەنت وقيدى.
سونداي- اق، ۇلىقتاۋ ءراسىمى بارىسىندا مينيستر ا. ءسارىنجىپوۆ اۋعانستان يسلام رەسپۋبليكاسىنىڭ ءبىرقاتار رەسمي وكىلدەرىمەن جانە قوعام قايراتكەرلەرىمەن كەزدەستى.
اۆتور: رۋسلان عابباسوۆ
