اتىراۋ وبلىسىندا اۋىل شارۋاشىلىعى ونىمدەرى ءوندىرىسى ءۇشىن بارلىق جاعداي جاسالعان - ن. نازاربايەۆ
پرەزيدەنتكە سونداي-اق وڭىردەگى اۋىل شارۋاشىلىعىنىڭ دامۋى تۋرالى باياندالىپ، وبلىس اۋماعىندا جۇزەگە اسىرىلىپ جاتقان اگروونەركاسىپ كەشەنى سەكتورىنىڭ جوبالارى تانىستىرىلدى.
سونىمەن قاتار نۇرسۇلتان نازاربايەۆ نىساندى ارالاۋ بارىسىندا وبلىستىڭ اگروونەركاسىپ كەشەنىندەگى كاسىپورىنداردىڭ باسشىلارىمەن اڭگىمەلەسىپ، ەكونوميكانى دامىتۋدا اۋىل شارۋاشىلىعى باسىمدىعى بار سالا بولىپ سانالاتىنىن اتاپ ءوتتى.
- ەلىمىزدەگى حالىقتىڭ جارتىسىنا جۋىعى اۋىلدىق جەردە تۇرادى. سول سەبەپتى ءبىز اۋىل شارۋاشىلىعىن دامىتۋعا ايرىقشا كوڭىل بولۋگە ءتيىسپىز. قازاقستاننان باسقا ەش جەردە مەملەكەت اۋىل شارۋاشىلىعىنا وسىنشا قاراجات بولمەيدى. وبلىستا اۋىل شارۋاشىلىعى ونىمدەرى ءوندىرىسى ءۇشىن بارلىق جاعداي جاسالعان، - دەدى نۇرسۇلتان نازاربايەۆ.
«پەرۆومايسكي» ب ك» ج ش س-نىڭ تاۋارلى-ءسۇت فەرماسى مەملەكەتتىك ۇدەمەلى يندۋستريالىق-يننوۆاتسيالىق باعدارلاما اياسىندا سالىنعان. كاسىپورىننىڭ قۋاتى تاۋلىگىنە 8 توننادان 16 تونناعا دەيىن ءسۇت ونىمدەرىن شىعارۋعا جەتەدى. فەرمادا 42 جۇمىس ورنى بار.
