14:08, 30 - قىركۇيەك 2014 | GMT +5
ەلباسى اتىراۋ وبلىسىنا ساپارى كەزىندە «ميراس» بالاباقشاسىنا باردى
استانا. قازاقپارات - مەملەكەت باسشىسى نۇرسۇلتان نازاربايەۆ اتىراۋ وبلىسىنا جۇمىس ساپارى بارىسىندا «ميراس» بالاباقشانىڭ قىزمەتىمەن تانىستى جانە «بوتاقان» بالالار توبىندا بولدى، دەپ حابارلادى اقوردانىڭ باسپا ءسوز قىزمەتى.
«تەڭىزشيەۆرويل» ج ش س قاراجاتىنا سالىنعان بالاباقشادا 2 جاستان 6 جاسقا دەيىنگى بالالار مونتەسسوري باعدارلاماسىنا سايكەس جانە حالىقارالىق باكالاۆريات باستاۋىش مەكتەبىنىڭ ىقپالداسقان جۇيەسى بويىنشا تاربيەلەنەدى.
«ميراس» بالاباقشاسىندا مۋزىكا، سپورت جانە بي زالدارىمەن، ويىن الاڭدارىمەن، كىتاپحانامەن، قازاق مادەنيەتىنىڭ ورتالىعىمەن، قولدانبالى ونەردىڭ، اعىلشىن جانە ورىس ءتىلىنىڭ حالىقارالىق ستاندارتقا ساي كابينەتتەرىمەن جابدىقتالعان.
بالاباقشانىڭ 16 توبىندا 350 بالا تاربيەلەنەدى. 110 ادام جۇمىسپەن قامتىلعان.
