رەسەي مۇسىلماندارىنان قۇربان ايتتا قۇربان شالۋدى توقتاتۋدى سۇرايدى
ويتكەنى بۇل جىلعى، 4- قازان كۇنگى مۇسىلمانداردىڭ قۇربان ايت مەرەكەسى دۇنيەجۇزىلىك جانۋارلاردى قورعاۋ كۇنىمەن تۇسپا-تۇس كەلىپ وتىر. وسىعان بايلانىستى جانۋارلاردى قورعاۋشىلار رەسەي مۇفتيلەر كەڭەسى مەن ماسكەۋ ءمەرى سەرگەي سوبيانينگە وتىنىشپەن شىعۋعا نيەت ەتىپ وتىر.
مالدى قۇرباندىققا شالۋعا مۇلدەم تىيىم سالىپ تاستاماساق تا، ەڭ بولماسا، 2-3 مىڭنان - ءجۇز مىڭعا دەيىن مالدى سويىپ تاستاۋ قىسقارتىلسا ەكەن دەيدى ولار.
ءوز كەزەگىندە رەسەيدىڭ ەۋروپالىق بولىگىندەگى مۇسىلمانداردىڭ ءدىني باسقارماسى ءتوراعاسىنىڭ ورىنباسارى دامير گيزاتۋللين قۇرباندىققا شالىناتىن مالداردىڭ سانىن قىسقارتۋ جوسپارلانىپ وتىرعان جوق دەپ حابارلادى.
وسى جىلدىڭ 4-6- قازان ارالىعىندا مۇسىلماندار يسلامداعى ەڭ ۇلكەن مەرەكە - قۇربان ايت مەيرامىن تويلايدى. قۇربان شالۋ ءداستۇرى سوناۋ يبراگيم پايعامباردىڭ (ر. ا.) كەزىنەن بەرى جالعاسىپ كەلەدى. مۇسىلماندار بۇل كۇنى مەرەكەلىك نامازدان كەيىن قۇرباندىق شالىپ، ونىڭ ەتىن جاقىن تۋىستارىنا، دوستارىنا، كورشىلەرىنە، جوق-جىتىكتەرگە تاراتادى.
Tengrinews.kz
