زەينەتكەر ا ق ش پرەزيدەنتى باراك وباماعا ەلدىڭ بايراعىن وزگەرتۋدى ۇسىندى
89 جاستاعى زەينەتكەر بۇل باستاماسى جايىندا جەرگىلىكتى Clifton Journal باسىلىمىنا ارنايى سۇحبات بەرىپتى. ونىڭ ايتۋىنشا، ۇلتتىق تۋدى وزگەرتۋگە يتەرمەلەگەن نەگىزگى جايت ونىڭ كوركەمدىك كەلبەتىن جاڭارتىپ، بايراقتا بەينەلەنگەن سيمۆولدىق مانگە يە باستاپقى شتاتتاردى وزگە شتاتتارمەن ءبىرىڭعاي تەڭدەستىرۋ بولىپ تابىلماق. تاريحتا ا ق ش-تىڭ العاشقى تۋى 1777-جىلى دجوردج ۆاشينگتون سالعان سۋرەت بويىنشا تىگىلگەن. الايدا كەيبىر دەرەكتەر بويىنشا تۋدىڭ اۆتورى رەتىندە نيۋ-دجەرسيلىك دەلەگات، زاڭگەر جانە ادەبيەتشى فرەنسيس حوپكينسوننىڭ ەسىمى اتالادى.
ونىڭ قولى تاۋەلسىزدىك دەكلاراتسياسىندا تۇر. ال جالپى ا ق ش تاريحىندا ونىڭ «جۇلدىز جولاقتى» بايراعى ءوزىنىڭ باستى كومپوزيتسياسى مەن قاعيدالارىن ساقتاي وتىرىپ، 26 رەت وزگەرتىلىپتى. سوڭعى رەت 1959-1960-جىلدارى شتاتتار فەدەراتسياسىنىڭ قۇرامىنا الياسكا مەن گاۆاي كىرگەن كەزدە تۋدىڭ جۇلدىزشالارى ەكەۋگە ارتقان. ا ق ش تۋىنىڭ قازىرگى نىشانى وندا بەينەلەنگەن 13 قىزىل مەن اق جولاقتار ۇلى بريتانيادان تاۋەلسىزدىك العان وتاردىڭ رەتتىك سانىن بىلدىرسە، بۇرىشتاعى كوك تىك ءتورتبۇرىشتا ورنالاسقان 50 اق جۇلدىزشا ەلدەگى شتات سانىن ايعاقتايدى. ءدال وسى جوبانى ءبىر كەزدەرى وگايو شاتىنىڭ 17 جاستاعى وقۋشىسى روبەرت حەفتوم ۇسىنىپتى.
يدەيا اق ءۇي تاراپىنان قولداۋ تاۋىپ، پرەزيدەنت ەيزەنحاۋەر كەلىسىمىن بەرگەن. ارادا ەندى 54 جىل وتكەندە نيۋ-دجەرسي تۇرعىنى ا ق ش-تىڭ باس نىشانىن جاڭارتۋ قاجەت دەپ سانايدى. سەم كاپرالدىڭ جوباسىندا 50 جۇلدىز بايراق بۇرىشىندا قالىپ قويماي، ونىڭ جولاقتارىمەن بايلانىسا وتىرىپ، ءرامىزدىڭ ءبىر جاق بولىگىن تۇتاسىمەن قامتىپ جاتىر. تۋدى وزگەرتۋ تۋرالى وي زەينەتكەرگە وسىدان 5 جىل بۇرىن كەلىپتى.
دايىنداعان: جىگەر سارسەن
24.kz
