شاتاستىرىپ ءتىرى ادامدى جەرلەگەن

استانا. قازاقپارات - گرەتسيانىڭ سولونيكي قالاسىنىڭ ماڭىندا ورنالاسقان مازاردا 45 جاستاعى ايەلدى شاتاستىرىپ تىرىدەي كومىپ جىبەرگەن دەپ حابارلايدى BBC.

جەرلەنگەن ايەل بۇعان دەيىن قاتەرلى ىسىككە شالدىققان ەكەن. ونىڭ دارىگەرى پاتسيەنت قايتىس بولدى دەگەن قورىتىندى شىعارىپ، دەنەسىن تۋىستارىنا جەرلەۋگە بەرگەن.

ال، ناۋقاس جەر قويناۋىنا تاپسىرىلعاننان كەيىن سول ماڭدا بولعان ادامدار جەر استىنان ايقايلاعان اشى داۋىستى ەستىپتى. كور دەرەۋ قازىلىپ، تابىت سىرتقا شىعارىلعاننان كەيىن دارىگەرلەر ءمايىتتىڭ قاتەرلى ىسىكتەن ەمەس، 5 مينۋت بۇرىن تۇنشىعىپ قايتىس بولعانىن مالىمدەگەن.

ياعني، مارقۇمدى تۋىستارى تىرىدەي كومىپ جىبەرگەنى انىقتالىپ وتىر. قازىر ولار «قايتىس بولدى» دەپ قورىتىندى شىعارعان دارىگەردىڭ ۇستىنەن سوتقا شاعىم ءتۇسىردى.

Baq.kz