قايتا ورالعان «ايگۇلدىڭ» جاڭا ءان جيناعى جارىققا شىقتى
قازاقستان مەملەكەتتىك قىزدار پ ۋ رەكتورى د. ج. نوكەتايەۆانىڭ قولداۋىمەن شىققان البومعا انسامبل رەپەرتۋارىنداعى قازاق كومپوزيتورلارىنىڭ 9 ءانى كىرگەن. ونىڭ ىشىندە، «قازاقتىڭ ارۋ قىزدارى» (ءانى: ا. بەكسۇلتان، ءسوزى: ي. يسا)، «ءۇشقوڭىر» (ءانى: ا. قورازبايەۆ، ءسوزى: ن. نازاربايەۆ)، «تەك قانا قىزدار» (ءانى: م. بالتابايەۆ، ءسوزى: ت. مولداعاليەۆ) سىندى اندەر بار.
«ايگۇل» ۆوكالدى- اسپاپتىق ءانسامبلى قازاق مەملەكەتتىك قىزدار پەداگوگيكالىق ينستيتۋتى جانىنان 1969-جىلدىڭ 8- ناۋرىزىندا قۇرىلدى. بۇل كۇنى انسامبل قازاقتىڭ جامبىل اتىنداعى فيلارمونياسىندا العاش دەبيۋتتىك كونسەرت قويىپ، ەل ىقىلاسىنا بولەنگەن. اتاۋلى داتا «ايگۇل» ءانسامبلىنىڭ دۇنيەگە كەلگەن كۇنى رەتىندە تىركەلدى.
«ايگۇل» ءانسامبلىنىڭ ەسىمى سول كەزدەرى دۇركىرەپ شىققان «دوس-مۇقاسان»، «گۇلدەر» انسامبلىمەن قاتار ەلگە تانىمال بولدى. ءبىر كەزدەرى اتى دۇركىرەپ شىققان «ايگۇل» ۆوكالدى-اسپاپتىق ءانسامبلىنىڭ قۇرامىندا اعايشا يساعۇلوۆا، ساقىپجامال ۇزاقبايەۆا، گالينا قارامولدايەۆا، مەڭسۇلۋ ىسقاقوۆا، مارفۋعا ءجۇنىسوۆا، گۇلنار بەگاليەۆا، دينا ەرعاليەۆا سىندى انشىلەر ءان سالسا، قازىرگى تاڭدا ولاردىڭ ءىزىن ەلنۋر نۇرعوجايەۆا، اسەم قۇدايبەرگەنوۆا، اقتولقىن ەسەنتايەۆا، جادىرا قاناپيانوۆا، دانا ءتاجىحانوۆا، جادىرا قۋاتوۆا سىندى جاس ونەرپاز انشىلەر جالعاستىرۋدا.
«ايگۇل» ءانسامبلىنىڭ ءىزباسارلارى اتانىپ جۇرگەن جاڭا تولقىننىڭ دا جەتكەن جەتىستىكتەرى دە از ەمەس.
انسامبل 2009-جىلى «التىن داۋىس» فەستيۆالىنىڭ، 2010-جىلى تۇركيا ەلىنىڭ ادانا قالاسىندا وتكەن «تۇركى الەمى» فەستيۆالىنىڭ لاۋرەاتى اتانسا، 2011-جىلى «التىن ميكرافون» كونكۋرسىنىڭ جانە «Nauryz jam» جاستار فەستيۆالىنىڭ جۇلدەگەرلەرى اتاندى»، دەلىنگەن حابارلامادا.
