قاجىلىققا اتتانعان قازاقستاندىقتار مەككەگە جەتتى

استانا. قازاقپارات - قاجىلىق پارىزىن وتەۋگە اتتانعان قازاقستاندىقتار مەككە قالاسىنا تابان تىرەدى. وتانداستارىمىز بەس پارىزدىڭ ءبىرى - قاجىلىق راسىمدەرىن اتقارۋعا كىرىسىپ كەتتى.

29- قىركۇيەكتە قازاقستان مۇسىلماندارى ءدىني باسقارماسىنىڭ قاجىلىق ميسسياسى مەككە قالاسىندا رەسمي جۇمىسىن باستادى. ميسسيا جۇمىسىن ق م د ب اپپارات جەتەكشىسى عىلىمبەك ماجيەۆ باسقارۋدا. ۋاعىزشىلار توبىنىڭ جەتەكشىسى، شاريعات جانە ءپاتۋا ءبولىمىنىڭ قىزمەتكەرى سانسىزباي شوقانوۆ قاجىلارعا ءتۇسىندىرۋ جۇمىستارىن جۇرگىزىپ جاتىر. توپ قۇرامىندا 30 عا جۋىق يمامدار مەن بىلىكتى تەولوگ-عالىمدار بار.

قاجىلىق ميسسياسىنىڭ مۇشەلەرىمەن ارنايى كەزدەسۋ ءوتىپ، جيىن بارىسىندا اپپارات باسشىسى ميسسيا مۇشەلەرىنە باس ءمۇفتي ەرجان قاجى مالعاجى ۇلىنىڭ سالەمىن جەتكىزدى. ءدىن قىزمەتكەرلەرىنە ءتيىستى نۇسقاۋلار بەرىپ، جۇمىسقا اسقان جاۋاپكەرشىلىكپەن قاراۋدى تاپسىردى.

«ءبىز ءۇشىن ءاربىر قازاقستاندىق قاجىنىڭ دەنساۋلىعى، قاجىلىقتى دۇرىس اتقارۋى، ولارعا ساپالى قىزمەت كورسەتۋ وتە ماڭىزدى. سوندىقتان ميسسيا مۇشەلەرىنە ارتىلار سەنىم مەن جاۋاپكەرشىلىك جوعارى»، - دەدى عىلىمبەك جادىگەر ۇلى.

ايتا كەتەيىك، بيىل ەلىمىزدەن 5000 جەرلەسىمىز قاجىلىق پارىزىن وتەمەك، دەپ حابارلانعان ق م د ب - نىڭ رەسمي سايتىندا.