ەڭ باي امەريكالىقتاردىڭ رەيتينگىسى

استانا. قازاقپارات - Forbes امەريكالىق جۋرنالى وسىمەن 21-رەت Microsoft كورپوراتسياسىنىڭ نەگىزىن قالاۋشى 58 جاستاعى بيلل گەيتستى ا ق ش- تىڭ ەڭ باي ميللياردەرى دەپ تانىپ وتىر، دەپ حابارلادى24.kz .

400 ەڭ باي امەريكالىقتاردىڭ جاڭا رەيتينگى Forbes جۋرنالىنىڭ سايتىندا جاريالانعان.

2014-جىلدىڭ 29- قىركۇيەگىندەگى جاعداي بويىنشا، گەيتستىڭ بايلىعى - 81,2 ميلليارد دوللارعا تەڭ. تەك ناۋرىزدا عانا Forbes ۇسىنعان مالىمەتتەرگە سايكەس بۇل كورسەتكىش 76 ميلليارد دوللاردى قۇراعان ەدى. جاڭا رەيتينگ بويىنشا گەيتس مەكسيكالىق كارلوس ءسليمدى (ناۋرىزدا ونىڭ بايلىعى 72 ميلليارد دوللارعا تەڭ بولدى) باسىپ وزىپ، ءتورت جىلدىق ۇزىلىستەن كەيىن ءوز تۇعىرىنا قايتا جايعاستى.

امەريكانىڭ 400 «شىرىگەن بايى» تىزىمىندە ەكىنشى ورىنعا 67,8 ميلليارد دوللار داۋلەتىمەن 84 جاستاعى ۋوررەن باففەت ورنالاستى. رەيتينگ كوشباسشىلارىنىڭ العاشقى ۇشتىگىن Oracle برەندىنىڭ نەگىزىن قالاۋشى لارري ەلليسون بەكىتتى. Forbes-تىڭ نۇسقاۋىنشا، ونىڭ بايلىعى 48,1 ميلليارد دوللار شاماسىندا.