الماتىدا جوندەۋ جۇمىستارى جۇرگىزىلگەن پاتەرلەردىڭ باعاسى تومەندەدى

استانا. قازاقپارات - الماتىنىڭ قايتالامالى تۇرعىن ءۇي نارىعىندا 2014 - جىلدىڭ 15 مەن 21 - قىركۇيەكتە جوندەۋ جۇمىستارى جۇرگىزىلگەن پاتەرلەردىڭ باعاسى تومەندەگەن، دەپ حابارلايدى Kn.kz سايتى.

«زەرتتەۋ كەزەڭىندە تۇركسىب اۋدانىندا باعانىڭ وسكەندىگى انىقتالدى. «حرۋشيەۆ» جانە پانەلدەن جاسالعان ۇيلەردىڭ باعاسى كوتەرىلگەن. ال نارىقتىڭ وزگە ۇسىنىستارىندا وزگەرىستەر ورىن الماعان»، - دەلىنگەن حابارلامادا.

الماتىدا ەڭ قىمبات قايتالامالى تۇرعىن ۇيلەر ەليت سىنىبىنا جاتاتىن ۇيلەرگە تيەسىلى.

بۇل جەردە ءبىر شارشى مەتر 3078 دوللار (560,2 مىڭ تەڭگە). قالا بويىنشا ورتاشا باعا 2023 دوللار (368,2 مىڭ تەڭگە). قىمبات تۇرعىن ۇيلەردە ورتاشا باعا 2568 دوللار (467,4 مىڭ تەڭگە)، ال ارزان تۇرعىن ۇيلەر 1565 دوللار (284,8 مىڭ تەڭگە).