بەس ەلدىڭ باسشىلارى كاسپيدى ءوزارا ۇتىمدى پايدالانۋ تۋرالى كەلىسىمگە قول قويدى

استانا. قازاقپارات - بۇگىن استراحان قالاسىندا (رەسەي فەدەراتسياسى) كاسپي ماڭى مەملەكەتتەرى پرەزيدەنتتەرىنىڭ ءتورتىنشى سامميتى بارىسىندا كاسپي تەڭىزىنىڭ سۋ بيولوگيالىق رەسۋرستارىن ساقتاۋ جانە ۇتىمدى پايدالانۋ تۋرالى كەلىسىمگە قول قويىلدى. بۇل تۋرالى ق ر ا ش م باسپا ءسوز قىزمەتىنەن حابارلادى.

راتسيونالدى پايدالانۋمەن قاتار، قۇجات بىرلەسكەن سۋ بيولوگيالىق رەسۋرستارىن باسقارۋ پرينتسيپتەرىن رەتتەپ، كاسپي تەڭىزىندە بەكىرە بالىق تۇرلەرىنە كوممەرتسيالىق اۋلاۋىنا موراتوري جۇرگىزۋ مەحانيزمىن انىقتايدى.

سونداي-اق، كەلىسىم شەڭبەرىندە قازاقستان، رەسەي، ازەربايجان، يران جانە تۇركمەنستان ەلدەرىنىڭ پرەزيدەنتتەرى بيورەسۋرستاردى ساقتاۋ بويىنشا ءوزارا كەلىسىلگەن شارالاردى قابىلداۋ جانە ازىرلەۋ بويىنشا كوميسسياسىنا ءتيىستى وكىلەتتىكتەرمەن قوسا وعان ۇكىمەت ارالىق مارتەبە بەرۋ تۋرالى تاپسىرماسى ىسكە اسىرىلدى. تاراپتاردىڭ كوميسسيا بيورەسۋرستاردى ساقتاۋ ماقساتىندا كاسپي تەڭىزىنىڭ مەكەندەيتىن ورتاسىن جاقسارتۋ، جاساندى كوبەيتۋ ارقىلى تابيعي كوبەيۋىنە جول بەرۋ جانە زاڭسىز اۋلاۋدىڭ الدىن الۋ ءتارىزدى كەلىسىلگەن شارالار قابىلداۋى كۇتىلۋدە.