ماسكەۋلىك كورەرمەندەرگە «استانا بالەت» ۇجىمى قازاق ەپوسى مەن مادەنيەتىن پاش ەتتى - فوتو
ول ۇجىم رەپەرتۋارىنداعى زاماناۋي حورەوگرافيا ستيلىندەگى ءىرى فورماداعى العاشقى قويىلىم بولىپ تابىلادى.
ونەر ۇجىمى قىركۇيەك ايىنداعى ەۋروپالىق تۋرنە اياسىندا ونەر كورسەتتى. ونىڭ بارىسىندا ولار پاريج بەن ۆەنادا بولىپ قايتقان ەدى.
«قويىلىمنىڭ ەرەكشەلىگى - بۇل، بارىنەن بۇرىن، قازاق ەپوسى مەن قازاق مادەنيەتىنىڭ ۇيلەسىم تابۋى» ، - دەپ اتاپ ءوتتى بالەتتى قويۋشى حورەوگراف نيكيتا دميتريەۆسكي.
«بۇل قازاقستاندىق تەاتر، قازاقستاندىق بالەتپەن ءبىرىنشى جۇمىس تاجىريبەسى بولدى جانە ول مادەنيەتكە، ەپوسقا دەگەن قىزىعۋشىلىقتى ارتتىردى، اڭىز- اپسانالارمەن تانىسىپ، تاريحتا قايسىسى قالاي بولعانىن كورسەتۋ قىزىق بولدى. ماسەلەن، مۋزىكالىق اسپاپتار قايدان كەلدى؟ دومبىرانىڭ ءبىر حالىقتان ەكىنشىسىنە قالاي اۋىسىپ، ءوز دىبىسىن قالاي وزگەرتتى، ىشەكتەرى قالاي الماستىرىلدى، قازاق مادەنيەتىندە قانداي ويۋ- ورنەكتەر قولدانىلادى؟ بۇل تۇرعىدا وتە قىزىق ءارى قاجىرلى ەڭبەك اتقارىلدى»، - دەدى ن. دميتريەۆسكي.
سپەكتاكلدىڭ ۆيزۋالدى كونتسەپتسياسىن رەسەيلىك ستسەنوگراف لەونيد باسين جاساعان. كومپوزيتورلارى - ارماند امان مەن بولات گافاروۆ. ليبرەتتو اۆتورى بەلگىلى قازاقستاندىق اقىن، ستسەناريست باقىت قايىربەكوۆ. حورەوگرافيالىق ۇجىمنىڭ كوركەمدىك جەتەكشىسى - اليلا اليشيەۆا، باستى بالەتمەيستەرى - ايگۇل ءتاتي.
ن. دميتريەۆسكي «Astana Ballet» گاسترولدەرى شەتەلدەردە ۇلكەن جەتىستىكپەن ءوتىپ، بۇل ۇجىمنىڭ قازاقستاندى جوعارى رۋحاني مادەنيەتى مەن داستۇرلەرى بار ەل رەتىندە تانىتىپ جۇرگەنىن اتاپ ءوتتى.
