بيىل قۇربان ايتتا ءبىر كۇن دەمالامىز

استانا. قازاقپارات - بيىل قۇربان ايتتىڭ ءبىرىنشى كۇنى 4 - قازان، سەنبى كۇنىنە تۋرا كەلەدى.

بۇعان قاراماستان، دەمالىس كۇنى كەلەسى جۇمىس كۇنىنە كوشىرىلمەيدى.

ق ر «مەرەكەلەر تۋرالى» زاڭىنا سايكەس قۇربان ايت پەن روجدەستۆو ءدىني مەرەكەلەر بولىپ سانالادى، ال دەمالىس كۇنىمەن سايكەس كەلگەندە تەك ۇلتتىق جانە مەملەكەتتىك مەرەكەلەر عانا اۋىستىرىلادى.

وسىلايشا، قازاقستاندىقتار ءبىر كۇن عانا دەمالادى. بۇل تۋرالى astana.kz سايتىنا ق ر ۇكىمەتىنىڭ باسپا ءسوز قىزمەتىنەن حابارلادى.

قۇربان ايت قاجىلىقتىڭ اياقتالۋى مەن قۇرباندىق شالۋ مەرەكەسى. مەرەكە رامازان ايىنان كەيىن 70 كۇن وتكەن سوڭ ءۇش كۇن بويى تويلانادى. مۇسىلمان قاۋىمى قوي، سيىر نەمەسە تۇيەنى قۇرباندىققا شالىپ، جەتىمدەرگە، تۇرمىسى تومەن وتباسىلارعا جانە قارت ادامدارعا تاراتادى.

مەرەكەنىڭ ءبىرىنشى كۇنى مەشىتتەردە ايت نامازى وقىلادى، ادامدار ءبىر-ءبىرىن مەرەكەمەن قۇتتىقتاپ، داستارحانعا شاقىرادى.