جەتىستىككە اپاراتىن جولدار
مەنىڭ ەكى دوسىم بار. ەكەۋى دە ومىردە ۇلكەن جەتىستىككە جەتىپ، سىيلى جۇمىس ورىندارىندا قىزمەت جاسايدى. ءيا، مەنىڭ ۇلكەن ادامدارمەن جاقسى ارالاسۋىم قالىپتى جاعداي.
ونىڭ ۇستىنە ولاردان تاجىربيە الۋعا بولاتىنىن ەسكەرەتىن بولساق، پايدادان كوز اشپايتىنىڭىزعا سەنىم بىلدىرەمىن.
ەكى دوسىمدى دا بىردەي سىيلاپ، جاقسى كورگەنىممەن، ولاردىڭ ءومىر تارازىلارى 2 ءتۇرلى. ءيا، ادامنىڭ ءار ءتۇرلى بولۋى قالىپتى جاعداي. الايدا، مەنىڭ تاڭ قالعانىم، ەكى ءتۇرلى ويدىڭ ۇلى جەتىستىكتەرگە اپاراتىن 2 جول بولىپ كەتۋىن كىم ويلاعان.
1-دوسىم
ءوزى وتە ەڭبەكقور ادام. كىشى كەزىنەن باستاپ قيىندىق كورىپ وسكەننەن بە، الدە ءومىردىڭ تارشىلىعىنا، تاعدىردىڭ تاۋقىمەتىنە تاپ بولعانى ما، بىلمەيمىن. ايتەۋىر قولىنان كەلمەيتىنى جوق.
جۇمىس دەسە ىشكەن اسى جەردە قالادى. اناۋ وڭاي، مىناۋ قيىن دەپ تاڭداۋ جاسامايدى. ماڭىزدىسى ەڭبەگىن ادال جولمەن تابادى. ەل قاتارلى وقۋ ءبىتىرىپ، ۇلكەن ومىرگە العاشقى قادامدارىن باستى.
جاس كەزىمىزدە وتتاي لاپىلداپ تۇراتىنىمىز بار ەمەس پە؟ ونداي شاقتان ول دا قۇر قالعان جوق. دەگەنمەن، ارمانداپ قۋىپ كەتپەي، جالاقىسى از بولسا دا، ءوز ماماندىعى بويىنشا جۇمىسقا ورنالاستى.
تاجىربيە جيناۋدى سۇيەتىن كوڭىل، ورنىن تاپتى دەسە دە بولادى. جۇمىسىنا قىزىعىپ كەتكەنى سونشالىق، تەز ارادا كوتەرىلدى. ماماندىعى توكار بولسا دا، العاش ونى جاي كومەكشى رەتىندە قابىلدادى. كەيىننەن وپەراتورعا كوتەرىلىپ، باس كوتەرىپ، العاشقى قادامدارىمەن بولىسكەنى ءالى ەسىمدە. «وعان قوسا، جالاقى كوتەرىلسە، ساعان م پ 3 پلەەر الىپ بەرەمىن» دەپ ۋادە بەرگەن. ول كەزدە قۇلاققاپپەن ولەڭ تىڭداۋ موداعا ەنىپ جاتقان.
«ۋاقىت جۇيرىك، بەينە تۇلپار، قۇلاگەر» دەمەكشى، ۋاقىت دەگەن لەزدە وتە شىقتى. جاي باسقان قادامدار الىسقا قاراي بەت الدى. باستىقتىڭ قاسىنان قىزمەت بۇيىرعانىن ەستىگەندە، مەنەن باقىتتى جان بولعان جوق، شىعار. شىنى كەرەك ومىرگە دەگەن ءۋاج (موتيۆاتسيا) بەرەتىن ادامدارىمنىڭ قاتارىندا العاشقىلاردىڭ ءبىرى بولدى. جالپى، ادام ەڭبەك ەتتى، ماقساتقا جەتتى. ودان اسقان باقىت بار ما؟ جالاقىسى تۋرالى ايتۋىم كىشكەنە ەرسى بولار، الايدا باقىتتى بولاتىنداي-اق جالاقى. (جالاقىسىن، جۇمىس جاساعان مەرزىمدەرىن جاسىرىن قالۋىن ءوتىندى.)
2-دوسىم
مەن تاني باستاعاننان بەرى وتە قۇرمەت تۇتىپ كەلگەن ادامداردىڭ ءبىرى بولدى. مەكتەپتى قىزىلعا بىتىرگەنى ۋنيۆەردە دە جالعاستى. ءبىلىمدى ادامعا ءارقاشان ەسىك اشىق ەمەس پە؟ وعان جابىلعان ەسىك جوق شىعار دەپ ويلايتىنمىن. ەينشتەيننىڭ باسى توقتاماي 48 ساعات ىستەيتىن بولسا، ونىڭ باسى 24-26 ساعاتتاي بار ەتىن. ادامدارمەن دە ارالاسىپ، سويلەسىپ تۇراتىن جايدارلى جىگىتتەردىڭ ءبىرى. ۋنيۆەردى كىلەڭ بەسپەن ءبىتىرىپ، اتا-اناسىن قۋانتقانى ماعان ءۋاج بولدى. ادام ىستەگەندى ادام جاساي الادى ەمەس پە؟ اكە-انام دا وسى قايتا-قايتا ايتىپ وتىراتىن. وقۋ ورنىن بىتىرگەننەن كەيىن ول دا جۇرت قاتارلى جۇمىسقا ورنالاسىپ، بيىككە قاراي ۇمتىلادى دەپ ويلادىم.
الايدا، ونىڭ شەشىمى مەن تاڭ قالدىردى. از جالاقىعا جۇمىس جاسايتىنداي بەكەرگە وقىعان جوقپىن پرينسيپىن ۇستاناتىنىن كەيىننەن بايقادىم. ءيا، جۇمىسقا تۇرۋعا اسىققان جوق. اتا-اناسى دا باسىندا ىركىلىپ قالدى.
الايدا، بالاسىنا دەگەن ءۇمىتى مەن سەنىمى ولاردىڭ كوڭىلىن تۇسىرمەدى. ال ماعان بىرتە-بىرتە قىزىق بولىپ بارادى. ادام ءوزىنىڭ باعاسىن بىلە الاتىنى ماعان قاتتى ۇنادى. 3 جىل جۇمىسسىز ءجۇردى. دەگەنمەن، بوس ءجۇردى دەگەن سوزگە كەلمەيدى. 3 جىل بويى ءوزىن ايتارلىقتاي دامىتتى. سابىر جاتىر ەكەن دوسىمدا. اعىلشىن كۋرسى، مامانداندىرىلعان كۋرس، ونلاين اعىلشىنشا كۋرستار، يۋتۋب جەلىسى سياقتى وقۋ ورداسىنان باس الماي وقىدى.
ترەنينگتەرگە بارىپ تۇرعانىن، ادامدارمەن قالاي جۇمىس جاساۋ كەرەكتىگىن ايتقان ەدى. «ومىردە ەڭ قيىن ادام بالاسىمەن جۇمىس ىستەۋ» دەگەن ءسوزى ءالى دە قۇلاعىمدا جاڭعىرىپ تۇرادى. 3 جىل دا وتە شىقتى. جۇمىس ورىندارىنا ءوزىنىڭ تۇيىندەمەسىن تاراتتى. قابىلداعان ءبىرشاما كومپانيالار بولدى. الايدا، ول اتا-اناسىنا جاقىن جەردى تاڭدادى.
ايلىعى تۋرالى اقپاراتتى تاراتۋ مەنىڭ ويىمشا كىشكەنە ەرسى كورىنەدى. دەگەنمەن، ايتارلىقتاي جاقسى ايلىق. 4-5 ايدا كولىك، پاتەر الاتىنداي دارەجەدە. «وقىپ جيىپ تەرگەن دۇنيەڭ زايا كەتپەسىن دەسەڭ، قولدانا ءبىلۋىڭ قاجەت» دەيدى ول. سول ءۇشىن تەك كەرەك نارسەنى وقىعان دۇرىس دەپ كەڭەسىن بەردى.
قورىتىندىلاي كەلە، وزىمە جاقسى وي ءتۇيدىم. تاڭداعان ماماندىعىڭ وزىڭە ۇناپ، قىزىعا ىستەيتىن بولساڭ، شەبەرلىك تە الىس ەمەس، ەڭبەك ەتسەڭ. مىنا 2 جولدىڭ قايسىسىن تاڭداساڭ دا، ماڭىزدىسى قيمىل جاساعانعا جاراتۋشىم دا جاقىن. مىنا زامان ارتتا قالعان باسقا عاسىرلاردان وزگەشەرەك.
ءتىلىن تاپساڭ، تارىقپايسىڭ، ەرىنشەكتەپ جاتساڭ، جالىقپايسىڭ. تاڭداۋ سەندە!
blogtime.kz
