ەندى پاتەر كەزەگىنە ادام فاكتورى ارالاسا المايدى
وتىنىمدەردى قابىلداۋ ءراسىمىن جەڭىلدەتۋ ءۇشىن جانە ساتىپ الۋشىلاردىڭ كەزەگىن قالىپتاستىرۋعا ادامنىڭ قاتىسۋىن بولدىرماۋ ءۇشىن قازاقستاندا العاش رەت www.fnsk.kz سايتىندا ونلاين-وتىنىمدەر قابىلدايتىن يننوۆاتسيالىق ينتەرنەت-جوبا ىسكە قوسىلدى.
جالپى العاندا، ساتىپ الۋ قۇقىعىمەن جالداۋ ارقىلى وتكىزۋ ءۇشىن 1609 پاتەر، ال ساتۋعا 91 پاتەر قويىلدى. پاتەر الۋعا ءوتىنىم جىبەرۋ ءۇشىن پايدالانۋشىلار ە س ق كومەگىمەن www.fnsk.kz سايتىنا تىركەلۋى قاجەت بولاتىن.
وتىنىمدەردى قابىلداۋدىڭ بەلگىلەنگەن مەرزىمىندە بارلىق تىركەلگەن پايدالانۋشىلار ءۇشىن پاتەر الۋعا ءوتىنىم جىبەرۋ مۇمكىندىگى ءبىر مەزگىلدە اشىلدى. كەزەكتىلىك ەلەكتروندىق ءوتىنىمنىڭ قابىلدانعان ۋاقىتى بويىنشا اۆتوماتتى تۇردە قۇرىلدى. بۇل رەتتە ءوتىنىم بەلگىلى ءبىر پاتەر تۇرىنە بەرىلۋى ءتيىس بولاتىن.
پاتەر الۋ تۋرالى وتىنىمدەر الماتى وبلىسى قاراساي اۋدانىندا باسپاناسى جوق نەمەسە تۇرعىن ءۇي جاعدايىن جاقسارتقىسى كەلەتىن ادامداردان قابىلداناتىنىن ەستەرىڭىزگە سالامىز.
باعدارلاما ىسكە قوسىلعاننان كەيىنگى سايتتىڭ وتىنىمدەردى قابىلداۋ بەتتەرىندەگى بەلسەندىلىك جايىندا «بۇگىنگى كۇنى www.fnsk.kz سايتىنا 5000 نان استام ادام تىركەلدى. باعدارلاما ىسكە قوسىلعان ساتتەن باستاپ العاشقى 2 سەكۋند ىشىندە 419 ءوتىنىم، 5 مينۋت ىشىندە - 520 ءوتىنىم قابىلداندى. دەمەك، تاۋسىلمايتىن كەزەك ماسەلەسى، ۋاقىت پەن اقشا جويۋ ماسەلەسى شەشىلدى دەۋگە بولادى» - دەيدى «سامۇرىق-قازىنا» جىلجىمايتىن مۇلىك قورى» ا ق اپپارات جەتەكشىسى رۇستەم بەكتۇرىموۆ.
سونىمەن قاتار، قازىرگى ۋاقىتتا تاراز قالاسىندا پاتەر الۋعا وتىنىمدەر ءالى قابىلدانىپ جاتقانىن ەستەرىڭىزگە سالامىز. «تاراز قالاسىندا ماياكوۆسكي كوشەسى، 42-ۇيدەگى 25 پاتەرلى ەكى تۇرعىن ءۇي» كەشەنى قالانىڭ ورتالىق بولىگىندە ورنالاسقان. ءبىر شارشى مەتردىڭ باعاسى 139 مىڭ تەڭگەنى قۇرايدى. ەكى تۇردەگى 35 پاتەر ۇسىنىلىپ وتىر: 2 جانە 3 بولمەلى. №1 تۇردەگى ەكى بولمەلى پاتەرگە بەرىلگەن وتىنىمدەر سانى پاتەر سانىنان 3 ەسە استى. ءبىراق №2 تۇردەگى (ءۇش بولمەلى) پاتەرلەر ءالى بار. وتىنىمدەردى قابىلداۋ 6 قازان ساعات 10.00 گە دەيىن جالعاسادى. سونداي-اق 12 - قازاندا اقتوبە قالاسىندا «يۋنيس سيتي» ت ك- دەن پاتەر الۋعا وتىنىمدەر قابىلداۋ باستالاتىنىن ەستەرىڭىزگە سالامىز.
Baq.kz
