قازاقستان قىتاي ارقىلى وڭتۇستىك- شىعىس ازياعا استىق ەكسپورتتاۋدى جولعا قويماق
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە اۋىل شارۋاشىلىعى مينيسترلىگى اگرو ونەركاسىپ كەشەنىندەگى مەملەكەتتىك ينسپەكتسيا كوميتەتىنىڭ ءتوراعاسى ساقتاش قاسەنوۆ ءمالىم ەتتى.
«قازاق استىعىنا ءار ۋاقىتتا دا سۇرانىس بار. ءبىزدىڭ نەگىزگى نارىقتارىمىز - يران، تۇركيا، رەسەي، ازەربايجان، قىرعىزستان، وزبەكستان، تاجىكستان ەلدەرى. قازىرگى ۋاقىتتا بىزدە وڭتۇستىك- شىعىس ازيا ەلدەرى مەن قىتايعا استىعىمىزدى ەكسپورتتاۋعا باعىتتالعان جۇمىستار جۇرگىزىلۋدە» ، - دەدى ول.
كوميتەت ءتوراعاسىنىڭ اتاپ وتۋىنشە، وڭتۇستىك- شىعىس ازيا ەلدەرىنە استىق ەكسپورتتاۋ ماسەلەسى بۇگىندە ءوز شەشىمىن تاپتى دەسە دە بولادى.
«سوڭعى 3-4 جىل بويى ءبىز قىتايعا استىق ەكسپورتىن جىلدان- جىلعا ەسەلەپ كەلەمىز. بۇدان بولەك، بولاشاقتا قىتاي ارقىلى وڭتۇستىك- ازيا ەلدەرىنە، ونىڭ ىشىندە وڭتۇستىك كورەياعا شىعۋ مۇمكىندىگى قاراستىرىلۋدا»، - دەدى س. قاسەنوۆ.
اۆتور: مارلان جيەمباي
