بەيجىڭ «جاسىل» يننوۆاتسيانىڭ ورتالىعى بولماق

استانا. قازاقپارات - قىتاي قورشاعان ورتانى قورعاپ، قوقىستى وڭدەۋدە دە ءبىرشاما ىلگەرىلەدى. بۇگىندە بەيجىڭدەگى جۇرت كوپ جۇرەتىن جەرلەردە ءتۇرلى قالدىقتاردى قابىلداپ، اقشا بەرەتىن اۆتوماتتار ورناتىلعان.

يو كۋان كۇنىنە 2-3 بوتەلكە سۋ ىشەدى. مەتروعا قويىلعان بۇل قۇرىلعى وعان جاقسى بولدى. ءارى بەرى بوس وتپەي، قۇتىنى تاپسىرىپ، تيىن تەبەنىن تاۋىپ ءجۇر. ءبىر ليترلىك بوس بوتەلكە 20 تيىن تۇرادى، بۇل -  2,5 تەڭگە. ياعني، تەڭگەنىڭ تيىننان قۇرالاتىنىن ەسكەرىپ، تۇرعىنداردى تازالىققا تاربيەلەپ وتىر. بەيجىڭدەگى بۇل كومپانيا جىلىنا 50 مىڭ توننا پلاستيك قۇتىنى وڭدەيدى ەكەن.


بۇل 300 مىڭ توننا مۇناي ۇنەمدەلىپ، قورشاعان ورتاعا 150 مىڭ توننا زياندى قالدىق شىقپادى دەگەن ءسوز. «ءبىز قوقىس جيناپ، اقشا بەرەتىن مۇنداي اپپاراتتىڭ 400 ءىن بەيجىڭنىڭ ءار جەرىنە قويدىق. بۇگىندە قىتاي استاناسىندا 70 مىڭنان استام تۇرعىن وسى اپاراتقا قوقىس وتكىزىپ، اقشالارىن الىپ ءجۇر»، - دەيدى بەيجىڭ قوقىستى وڭدەۋ كومپانياسىنىڭ باسشىسى ليۋ شۇە سوڭ. ال مۇنداي قاعاز قوقىستاردى جينايتىن اپارات بەيجىڭدەگى 10 نان استام مەكتەپكە قويىلعان. ياعني، وقۋشىلار وزدەرىنە كەرەزكسىز قاعازداردى وتكىزىپ، سىنىبىنىڭ ەسەپشوتىنا اقشا اۋدارا الادى.

24.kz