13:36, 29 - قىركۇيەك 2014 | GMT +5
قازاقستانداعى ماي قۇيۋ ستانسالارىندا ءازىربايجاننىڭ ءونىمى ساتىلا باستايدى
استانا. قازاقپارات - جاقىن كۇندەرى قازاقستانداعى ماي قۇيۋ ستانسالارىندا ءازىربايجاننىڭ ءونىمى ساتىلا باستايدى. جانار- جاعارمايدىڭ العاشقى 5 مىڭ توننالىق پارتياسى كەلەسى اپتادا جەتكىزىلەتىن بولدى.
بۇل تۋرالى ەنەرگەتيكا ۆيتسە- ءمينيسترى ۇزاقباي قارابالين مالىمدەدى.
پرەمەر- ءمينيستردىڭ سايتىندا جاريالانعان اقپاردا، قارابالين ازىربايجانمەن ارادا كەلىسىم جاسالعانىن، بولاشاقتا قوسىمشا تاسىمالداۋ تۋرالى دا كەلىسسوز جۇرگىزىلەتىنىن حابارلاعان. رەسەي بەنزينىن جەتكىزۋ ماسەلەسىنىڭ دە جاقىن ارادا شەشىلەتىنىن جەتكىزدى. ۆيتسە- ءمينيستردىڭ ايتۋىنشا، رەسەيدەن 69 مىڭ تونناعا جۋىق بەنزين جەتكىزۋ تۋرالى كەلىسىم بار.
