جاپوندار عارىشقا كوتەرىلەتىن ليفت جاساپ جاتىر
ەگەر بۇل جوبا ىسكە اساتىن بولسا، عارىشتىق زىمىرانداردى ۇشىرىپ شىعىنعا باتۋدىڭ قاجەتى شامالى بولىپ قالادى - الەمدىك ەكونوميكادا جاڭا توڭكەرىس بولادى.
كومپانيا باسپا ءسوز قىزمەتىنىڭ مالىمدەۋىنشە، الىپ قۇرىلىس جوباسىنىڭ نەگىزگى قاڭقاسى جاسالىپ بىتكەن. ونىڭ عارىش كەڭىستىگىندەگى ۇزىندىعى 96 مىڭ شاقىرىمعا سوزىلماق. ادامدار مەن جۇكتەردى عارىشقا قۇلتەمىرلەر (روبوتتار) تاسىمالدايتىن بولادى. باعىتتىڭ نەگىزگى ايالدامالارى وربيتادا قۇرىلادى. جول اقىسىن بىلگىڭىز كەلسە - زاماناۋي زىمىراننان الدەقايدا ارزان بولارى انىق. جولدى ءبىر باعىتتا تولىق ءجۇرىپ ءوتۋ ۋاقىتى ءبىر اپتاعا سوزىلادى.
ازىرگە جوبا رەتىندە تۇرعان جەدەلساتىنىڭ قۇرىلىسىنا وتتەكتى نانوماتەريال قولدانىلماق. وتتەكتى نانوماتەريال بولاتتان جاسالعان تروستاردان ءجۇز ەسە ءتوزىمدى. جوسپار بويىنشا، جاڭا تەحنولوگيانىڭ كومەگىمەن نانوقۇبىرلار جاسالىپ، 2030 - جىلدىڭ ورتا شەنىنە قاراي بارلىق شيكىزاتتار دايىن بولادى.
جاپونيانىڭ ءبىرقاتار ۋنيۆەرسيتەتتەرى وسى جوبا اياسىندا تاجىريبە جۇمىستارىمەن اينالىسىپ كەلەدى. ايتا كەتسەك، كاناگاۆا ۋنيۆەرسيتەتىنىڭ ينجەنەرلەرى جەدەلكولىكتەردى قۇراستىرۋعا تىرىسىپ جاتىر. سونداي- اق، جەدەلساتىنىڭ ماگنيتتىك قۋاتىن ءوندىرۋدىڭ جولىن ىزەستىرۋدە ەكەن.
عالىمداردىڭ ايتۋىنشا، عارىشتىق جەدەل ساتىلار ىسكە قوسىلعاننان كەيىن بۇكىل الەم عارىشقا زىمىرانداردى ۇشىرۋدان باس تارتادى. سەبەبى، قازىرگى كەزدە عارىشقا ءبىر كەلى زاتتى الىپ شىعۋ ءۇشىن 22 مىڭ ا ق ش دوللارى جۇمسالادى. ال عارىشتىق جەدەلساتى ارقىلى ءبىر كەلى جۇكتى عارىشقا شىعارۋ ءۇشىن نەبارى 200 ا ق ش دوللارى جەتكىلىكتى.
دايىنداعان: جولداس ورىسبايەۆ
massaget.kz
