06:46, 30 - قىركۇيەك 2014 | GMT +5
وباما جيھادشىلاردىڭ كۇشىن مويىندادى
استانا. قازاقپارات - ا ق ش پرەزيدەنتى باراك وباما سيرياداعى لاڭكەس جيھادشىلاردان ءتونىپ تۇرعان قاۋىپتى امەريكالىق بيلىكتىڭ ءتيىستى دەڭگەيدە باعالاماعانىن مويىنداپ وتىر.
ونىڭ ايتۋىنشا، ا ق ش اسكەرى مەن سۇننيتتىك بىرلەستىكتەر تىزە قوسىپ، يراكتاعى ءال-كايدا جاساعىن توقتاتقانىمەن، لاڭكەستەر كورشى سيريا ەلىندە قايتا قالىپتاسىپ، كۇش جيناپ ۇلگەرگەن.
وسىلايشا «ايماقتا «يسلام مەملەكەت» دەگەن اتاۋمەن جيھادشىلاردىڭ جاڭا توبى پايدا بولدى. ونىڭ قاتارى كۇن سايىن وزگە ەلدەردەن كەلگەن سودىرلارمەن تولىعۋدا دەدى وباما ءوز سوزىندە.
ول جيھادشىلاردىڭ راسىمەن دە ۇلكەن كۇشكە يە ەكەنىن مويىنداپ، كۇرەستى ءارى قاراي جالعاستىراتىنىن مالىمدەدى.
Baq.kz
