مۇسىلمان قاۋىمىنا اۋەزدى ماقامىمەن تانىمال بولعان ءانشى جاڭا جيناعىن شىعاردى

استانا. قازاقپارات - مۇسىلمان قاۋىمىنا اۋەزدى ماقامىمەن تانىمال بولعان ءازىربايجاندىق سامي يۋسۋف ءوزىنىڭ جاڭا جيناعىن جارىققا شىعاردى، دەپ حابارلادى www.muslim.kz.

«The Centre» دەگەن اتاۋمەن جارىققا شىققان جاڭا جيناقتىڭ ىشىندە ءازىربايجان حالقىنىڭ «سارى گيالين» اتتى ءانى دە بار كورىنەدى.

مۇسىلمان ءانشىسى اتالمىش ءاندى ءوز تىلىندە جانە اعىلشىن تىلىندە ورىنداپ، وعان بەينەبايان دا تۇسىرگەن. بەينەبايان قازىرگى ۋاقىتتا الەۋمەتتىك جەلى ارقىلى كەڭ تاراپ، حالىق اراسىندا جاقسى باعاعا يە بولۋدا.

بريتاندىق ءانشى، كومپوزيتور، اسپاپشى، يسلامدىق ءدىني اندەردى ورىنداۋشى سامي يۋسۋفتىڭ تەگى ءازىربايجاندىق. ول كوپتەگەن ەلدەردە گاسترولدە بولدى. 2007-جىلى ىستامبۇل قالاسىنداعى ونىڭ ۇلكەن كونسەرتىنە 200000 ادام جينالدى.

ول ساتىلعان البومدارى مەن YouTube سايتىنداعى كليپتەرىنىڭ كورىلىمى بويىنشا الەمدە ەكىنشى ورىنعا شىققان ءانشى. تۇرىك ب ا ق- تارىنىڭ جازۋىنشا، 2010-جىلى ونىڭ «Wherever You Are» البومى 7 ميلليون دانامەن تارالعان.