كەشە قازاقتى الەمگە ايگىلى قىلعان ءۇش بىردەي قازاقستاندىق جازۋشىنىڭ دۇنيەگە كەلگەن كۇندەرى

استانا. قازاقپارات - كەشە قازاقتىڭ ۇلى جازۋشىسى مۇحتار اۋەزوۆ پەن جازۋشى-دراماتۋرگ ورالحان بوكەيدىڭ جانە تانىمال جازۋشى قوعام قايراتكەرى شەرحان مۇرتازانىڭ تۋعان كۇنى.

.

قازاقتىڭ ۇلى جازۋشىسى، قوعام قايراتكەرى، عۇلاما عالىم، قازاقستان عىلىم اكادەمياسىنىڭ اكادەميگى، فيلولوگيا عىلىمدارىنىڭ دوكتورى، پروفەسسور، قازاق ك س ر-ءنىڭ ەڭبەك سىڭىرگەن عىلىم قايراتكەرى مۇحتار ومارحان ۇلى اۋەزوۆ شىعىس قازاقستان وبلىسىنىڭ اباي اۋدانىندا 1897-جىلى 28- قىركۇيەكتە دۇنيەگە كەلگەن.

ول 1961-جىلى 27- ماۋسىمدا ماسكەۋ قالاسىنداعى كرەمل اۋرۋحاناسىندا وپەراتسيا كەزىندە قايتىس بولدى.

1961-جىلى قايتىس بولعاننان كەيىن رەسپۋبليكا ۇكىمەتى قاۋلى قابىلداپ، ۇلى جازۋشىنىڭ ەسىمىن ماڭگى ەستە قالدىرۋ ماقساتىمەن عىلىم اكادەمياسىنىڭ ادەبيەت جانە ونەر ينستيتۋتى مەن قازاقتىڭ مەملەكەتتىك اكادەميالىق دراما تەاترىنا مۇحتار اۋەزوۆتىڭ اتى بەرىلەدى، ادەبي مەموريالدىق مۇراجايى اشىلىپ، ءبىرقاتار مەكتەپ، كوشە جانە الماتىنىڭ ءبىر اۋدانى م. اۋەزوۆ اتىمەن اتالدى.

سونداي-اق، جازۋشى، دراماتۋرگ، جۋرناليست، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، قازاقستان رەسپۋبليكاسى جاستار سىيلىعىنىڭ لاۋرەاتى، ن. وستروۆسكي اتىنداعى بۇكىلوداقتىق ادەبي سىيلىقتىڭ لاۋرەاتى ورالحان بوكەي شىعىس قازاقستان وبلىسى قاتونقاراعاي اۋدانى شىڭعىستاي اۋىلىندا 1943-جىلى 28- قىركۇيەكتە دۇنيەگە كەلدى.

ول 17- مامىر 1993-جىلى ءۇندىستان، دەلي قالاسىندا قايتىس بولدى. الماتىدا جەرلەنگەن.

ءدال وسى كۇنى قازىرگى قازاق ادەبيەتىنىڭ كورنەكتى وكىلى، قازاقتىڭ حالىق جازۋشىسى، قوعام قايراتكەرى، ق ر-نىڭ ەڭبەك سىڭىرگەن مادەنيەت قىزمەتكەرى شەرحان مۇرتازا جامبىل وبلىسى جۋالى اۋدانى تالاپتى اۋىلىندا دۇنيەگە كەلدى.