بەلگىلى ساياساتكەردى مەيرامحانادا اتىپ كەتتى

استانا. قازاقپارات - مەكسيكانىڭ گەررەرو شتاتىندا، اكاپۋلكوداعى وتەلدەردىڭ بىرىندەگى مەيرامحانادا ۇلتتىق ءىس-قيمىل پارتياسىنىڭ باس حاتشىسى براۋليو ساراگوسۋ ماگاندۋدى تاڭەرتەڭگىلىك اس ءىشىپ وتىرعان كەزىندە ءولتىرىپ كەتتى.

ونى بەلگىسىز بىرەۋلەر اۆتوماتتى قارۋمەن اتقان. ساياساتكەردىڭ پارتيالاستارى بۇل ىسپەن پروكۋراتۋرانىڭ شۇعىلدانۋىن تالاپ ەتتى.

اجال قۇشقان ازامات مۇشە بولعان پارتيا مەكسيكاداعى ءىرى ساياسي ۇيىمداردىڭ ءبىرى. ال ول اتىلعان گەررەرو شتاتى قىلمىس ورشىگەن ايماق بولىپ ەسەپتەلەدى.