قازاق ەلىن الاڭداتقان كالاچيدەگى «ۇيقى اۋرۋى» تاعى بوي كورسەتە باستادى

كوكشەتاۋ. قازاقپارات - ءبۇتىن ەلدى الاڭداتقان كالاچيدەگى «ۇيقى اۋرۋى» تاعى بويى كورسەتە باستادى.

بۇل تۋرالى وڭىردەگى «قازاقپارات» تىلشىسىنە ەسىل اۋداندىق اۋرۋحانانىڭ دارىگەرلەرى ءمالىم ەتتى.

ەسىمىن اتاۋدى ءجون كورمەگەن اۋداندىق اۋرۋحانا دارىگەرىنىڭ سوزىنە قاراعاندا، بۇل جولى اۋىرىپ تۇسكەن اعايىندى 2 جانە 10 جاسار ەكى بالانىڭ بىرىنەن «ۇيقى اۋرۋىنىڭ» بەلگىسى تابىلدى.

«قازىرگى كەزدە، «ۇيقى اۋرۋىنا» شالدىققان 2 جاستاعى ءبۇلدىرشىننىڭ جاعدايى جامان ەمەس. دارىگەرلەردىڭ باقىلاۋىنا الىنىپ، ءتيىستى ەم-دوم قابىلداۋدا»، - دەيدى دارىگەر.

ەسكە سالا كەتسەك، وسىدان تۋرا ءبىر جارىم جىل بۇرىن اقمولا وبلىسى ەسىل اۋدانىنداعى كالاچي اۋىلىندا تۇرعىنداردىڭ ۇيقى اۋرۋىنا شالدىققانى جونىندە العاشقى اقپارات تاراعان بولاتىن.

بۇگىنگى كۇنى وسى اۋرۋعا شالدىققانداردىڭ سانى 45 كە جەتكەن. ءدال قازىر ولاردىڭ قانداي اۋرۋمەن اۋىراتىنىن جانە وعان نە سەبەپ بولىپ وتىرعانىن اشىپ ايتۋ مۇمكىن بولماي وتىر.

اۆتور: اسلان وسپانوۆ